VIDEO : वक्तव्याचा चूकीचा अर्थ काढणाऱ्यांना नीरजने सुनावलं, व्हिडीओ शेअर करत घेतली पाकिस्तानी खेळाडूची बाजू
टोक्यो ओलिम्पिकमध्ये (Tokyo Olympic) भारताच्या नीरज चोप्रासह पाकिस्तानच्या अशरफ नदीमनेही सहभाग घेतला होता. नदीम अंतिम सामन्यात पाचव्या स्थानावर राहिला.
नवी दिल्ली : भारताला टोक्यो ऑलिम्पिकमध्ये (Tokyo Olympics 2021) सुवर्णपदक मिळवून देणारा नीरज चोप्रा (Neeraj Chopra) हा त्याच्या खेळासह साध्या आणि सरळ व्यक्तीमत्त्वासाठीही ओळखला जातो. मुलाखतींमध्ये साधं सोपं इंग्रजी शक्य असेल तिथे विनंती करुन हिंदी बोलणारा नीरज जितका दिसायला छान आहे तितकाच त्याचा स्वभावही छान आहे. त्याच्या व्यक्तीमत्त्वातील आणखी एक सुवर्णगुण सर्वांसमोर आला आहे. पाकिस्तानचा भालाफेकपटू अरशद नदीम (Ashrad Nadeem) एका नीरजच्या वक्तव्यांवरुन ट्रोल होत असताना नीरजने मध्ये पडत अरशदची बाजू घेतली आहे
नीरज हा सुवर्णपदक विजयानंतर सतत विविध ठिकाणी मुलाखत देत आहे. अशाच एका मुलाखतीत त्याने ऑलिम्पिकमधील एक किस्सा शेअर केला. त्याचा प्रतिस्पर्धी पाकिस्तानचा भालाफेकपटू अरशद नदीमसोबत घडलेला एक किस्सा त्याने सांगितलं. ज्यानंतर काही नेटकऱ्यांनी त्याचा चूकीचा अर्थ काढत नदीमला ट्रोल करण्यास सुरुवात केली. ज्यानंतर नीरजला खास एक व्हिडीओ तयार करुन सर्व प्रकरण नीट समजवावं लागलं आणि नदीमला सुनावण्यापासून भारतीय चाहत्यांना थांबवाव लागलं.
नेमकं काय घडलं होतं?
नीरजने काही दिवसांपूर्वी एका मुलाखतीत सांगितलं की,‘मी टोक्यो ऑलिम्पिकच्या फायनलमध्ये माझा पहिला थ्रो करण्यापूर्वी माझा भाला शोधत होतो. तेव्हा मी पाहिलं पाकिस्तानचा नदीम माझा भाला घेऊन फिरत आहे. त्यावेळी मी त्वरीत त्याच्याकडून भाला घेत मला थ्रो करायला जायचं आहे, असं सांगितलं. याच कारण ऑलिम्पिकमध्ये थ्रोच्या ठरलेल्या वेळा असतात त्या न पाळल्यास तुम्हाला बाद केलं जाऊ शकतं. त्यामुळे मी पटकन त्याच्याकडून भाला घेत पहिला थ्रो अत्यंत गडबडीत केला.’
नदीमची बाजू घेत नीरजने शेअर केला VIDEO
हा किस्सा नीरजने सांगताच नदीमला खूप ट्रोल केलं जाऊ लागलं. त्याच्यावर अनेक टीका भारतीय चाहते करु लागले. नीरजला हे पटलं नाही आणि त्याने त्याच्या ट्विटरवरुन एक व्हिडीओ शेअर करत इंडियन फॅन्सना एक खास विनंती केली. नीरज म्हणाला, ‘मी जो काही किस्सा सांगितला त्यानंतर नदीमला फार वाईट सुनवलं जात आहे. पण मुळात त्याने कोणतीही चूकीच गोष्ट केली नव्हती. भालाफेकच्या नियमांनुसार कोणताही खेळाडू कोणाचाही भाला वापरु शकतो. त्यामुळे नदीमवर टीक करण्याआधी तुम्ही नियम वाचा, तसंच खेळांमधून एकमेंकासोबत चांगेल संबध प्रस्थापित करणं महत्त्वाचं असतं. त्यामुळे माझी विनंती आहे माझ्या वक्तव्याचा चूकीचा अर्थ काढण्याआधी नियम वाचा आणि समजून घ्या’
मेरी आप सभी से विनती है की मेरे comments को अपने गंदे एजेंडा को आगे बढ़ाने का माध्यम न बनाए। Sports हम सबको एकजूट होकर साथ रहना सिखाता हैं और कमेंट करने से पहले खेल के रूल्स जानना जरूरी होता है ?? pic.twitter.com/RLv96FZTd2
— Neeraj Chopra (@Neeraj_chopra1) August 26, 2021
इतर बातम्या
सोनेरी भालाफेक करणाऱ्या नीरज चोप्राचं ‘मराठा’ कनेक्शन माहित आहे का? भालाफेक तर रक्तात
सुवर्णपदक विजेत्या नीरज चोप्रावर बक्षिसांचा वर्षाव, कोट्यवधीच्या रोख रकमेसह गाडी आणि बरंच काही
(Indian gold medal winner Neeraj Chopra appeals fans not to troll pakistans arshaf nadeem without knowing the javelin throws rules)
