iPhone 14 Max : सप्टेंबर महिन्यात लाँच होणार नवा आयफोन, जाणून घ्या किंमत !
ॲपल कंपनी यंदा iPhone 14 mini लाँच करणार नाही. त्याऐवजी कंपनी iPhone 14 Max बाजारात सादर करू शकते. लीक्स नुसार, ही नवी आयफोन सीरिज 6 सप्टेंबर रोजी लाँच होणार आहे. iPhone 14 Max चे अनेक शानदार फीचर्स आणि स्पेसिफिकेशन्स जाणून घेऊया.
ॲपल कंपनीचा (Apple company) नवा फोन लवकरच बाजारात लाँच होणार आहे. आयफोन 14 हा आयफोन 13 सारखा असू शकतो. त्याचे नाव आयफोन मॅक्स 14 (iPhone 14 Max) असून iPhone 14 mini ऐवजी हाच नवा फोन बाजारात येणार आहे. लीक्स नुसार, नवीन आयफोनच्या विशाल आकारामुळे त्याला मॅक्स (max) असे नाव देण्यात आले आहे. नवा येणारा हा आयफोन मॅक्स 14 स्मार्टफोन आयफोन 14 प्रो मॅक्स एवढा मोठा असेल. गेल्या दोन वर्षांपासून ॲपल कंपनीच्या स्मार्टफोनच्या प्रत्येक नव्या सीरिजमध्ये आयफोन मिनी व्हेरिएंटचाही समावेश असतो. मात्र आयफोन 14 या सीरिजमध्ये मिनी व्हेरिएंट नसेल. हा फोन सप्टेंबर महिन्यात बाजारात लाँच (to launch in 1st week of September) होण्याची शक्यता आहे. यावेळी पहिल्यांदाच ॲपल कंपनीच्या आयफोनचा डिस्प्ले 6.7 इंच इतका असेल.
iPhone 14 Max: संभाव्य किंमत
रिपोर्ट्सनुसार, आयफोन मॅक्स, प्रो डिझाइनमध्ये सादर करण्यात येणारा आयफोन असेल. ॲपल कंपनी, परवडणाऱ्या दरात हा फोन बाजारात सादर करणार आहे. टेक वेबसाइट एचटी टेकने दिलेल्या माहितीनुसार, आयफोन मॅक्सची संभाव्य किंमत 899 डॉलर ( अंदाजे 71,529 रुपये) पासून सुरू होऊ शकते. तर आयफोन प्रो मॅक्सच साठी 1,999 डॉलर ( सुमारे 95,400 रुपये) मोजावे लागू शकतात.
iPhone 14 Max स्पेसिफिकेशन्स आणि फीचर्स:
– ॲपल कंपनीचा हा नवा आयफोन 14 सीरीज सप्टेंबर महिन्याच्या पहिल्या आठवड्यात बाजारात लाँच होऊ शकते. आयफोन मॅक्स 14 फोनमध्ये हे संभाव्य स्पेसिफिकेशन्स आणि फीचर्स पहायला मिळू शकतात.
– आयफोन मॅक्स 14 चा डिस्प्ले साइज आयफोन 14 प्रो मॅक्स इतकाच असेल. युजर्सना त्यामध्ये 6.7 इंच लिक्विड रेटिना डिस्प्ले पहायला मिळेल.
– आयफोन 13 सीरिजप्रमाणे आयफोन 14 मॅक्स मध्येही नॉच डिझाइन डिस्प्ले मिळेल. लीक झालेला, i-शेप्ड पंच होल डिस्प्ले केवळ प्रो मॉडेलमध्येच असेल.
– आयफोन 14 मॅक्सम्धेय मोठ्या डिस्प्लेशिवाय इतर स्पेसिफिकेशन्स आयफोन 14 सारखीच असतील. युजर्सना या फोनमध्ये 12 मेगा पिक्सेल कॅमेऱ्यासह मागे ड्युएल कॅमेरा सेटअपही मिळेल.
– महत्वाची गोष्ट म्हणजे, आयफोन 14 सीरिजमध्ये आयफोन 13 सीरिजपेक्षा मोठा कॅमेरा सेन्सर मिळेल. याचाच अर्थ हा की, प्रकाश कमी असला तरी युझर्सना चांगला फोटो / परफॉर्मन्स मिळेल.
– हा नवा आयफोन 14, iOS 15 चिपेसट सह मिळणार आहे. ही तीच चिपसेट आहे, जी आयफोन 13 प्रो आणि आयफोन 13 प्रो मॅक्समध्ये वापरण्यात आली होती. तर आयफोन 14 प्रो मॉडेल्समध्ये iOS 16 चिपसेटचा सपोर्ट मिळणार आहे.
– आधीच्या आयफोनबाबत बोलायचे झाले तर, आयफोन 13 ची बॅटरी लाइफ चांगली होती, जी दिवसभर चालायची. तर आयफोन 14 मॅक्स मध्ये आयफोन 13 पेक्षा उत्तम बॅटरी मिळण्याची अपेक्षा आहे.