WhatsApp विसरून जाल… आला Elon Musk चा दमदार प्लॅटफॉर्म! XChat इतके खास का?

Elon Musk XChat: एलॉन मस्क याची कंपनी X ने एक नवीन ॲप बाजारात दाखल केले आहे. स्टँडअलोन मॅसेजिंग ॲप XChat लाँच केले आहे. सध्या हे ॲप iOS युझर्ससाठी आणण्यात आले आहे. या ॲपवर युझर्स त्यांच्या X कॉन्टॅक्ट्स सोबत चॅट करू शकतात. कॉलिंग करू शकतात. फाईल शेअर करू शकतात. मस्क हा ऑल इन वन ॲप तयार करण्याचा प्रयत्न करत असतानाच त्याने हा वेगळा डाव टाकला आहे. काय आहे या नवीन प्लॅटफर्मची वैशिष्ट्ये?

काय काय आहेत फीचर्स?

XChat मध्ये युझर्सला ताज्या दमाची फीचर्स मिळतील. यामध्ये ऑडियो आणि व्हिडिओ कॉलिंग, टेक्स्ट मॅसेजिंग, ग्रुप चॅट आणि फाईल शेअर करता येईल. याशिवाय तसेच दोघांमधील संवाद तिसऱ्याच्या हाती लागू नये यासाठी डिसॲपरिंग मॅसेज, मॅसेज एडिट आणि डिलिट असे पर्याय देण्यात आले आहे. स्क्रीनशॉट ब्लॉक करण्याचे फीचर देण्यात आले आहे. हे ॲप एंड-टू-एंड एन्क्रिप्शन आणि पिन सिक्युरिटीसह येते. हे फीचर पाहता XChat थेट WhatsApp आणि Facebook Messenger ला टक्कर देणार आहे.

कोणत्या युझर्ससाठी हे ॲप?

सध्या XChat केवळ iOS युझर्ससाठी उपलब्ध आहे. लवकरच हे ॲप इतर प्लॅटफॉर्मवर उपलब्ध होईल. Benji Taylor ने संकेत दिले आहे की, हे ॲप अपडेटसह लवकरच सर्व प्लॅटफॉर्मवर उपलब्ध करून देण्यात येईल. त्यामुळे येत्या काळात तुमच्याही मोबाईलमध्ये हे ॲप असेल.

ऑल इन ऑपचे खूळ मागे

एलॉन मस्क मध्यंतरी ऑल इन वन हे एव्हिरीथिंग ॲप तयार करण्याच्या विचाराने पछाडलेला होता. त्याने अनेकदा याविषयीची चर्चा केली. या ॲपमध्ये मॅसेजिंग, व्हिडिओ-ऑडिओ कॉल, पेमेंट, शॉपिंग आणि इतर अनेक सेवा एकाच छताखाली उपलब्ध करून देण्याचा त्याचा प्रयत्न होता. पण त्याचे हे खूळ मागे पडल्याचे आता या नवीन ॲपने दिसून आले आहे. आता या नवीन प्लॅटफॉर्मला कितपत प्रतिसाद मिळतो हे लवकरच कळेल.