तुमचे पण इंस्टाग्राम अकाउंट झाले का लाॅग आऊट? काय आहे ही नवीन समस्या?

इंस्टाग्राम

Image Credit source: Social Media

मुंबई : इंस्टाग्रामवर आज अचानक एक विचित्र समस्या दिसू लागली. जगभरातील हजारो वापरकर्त्यांसाठी Instagram अचानक बंद झाले (Instagram Down today) . लोकप्रिय आउटेज ट्रॅकर डाउनडिटेक्टरच्या मते, वापरकर्त्यांना आज सकाळी 7 वाजण्याच्या सुमारास समस्या येऊ लागल्या. सकाळी 8.30 वाजेपर्यंत, 3,500 हून अधिक वापरकर्त्यांनी अॅपवरील समस्यांबद्दल तक्रार केली. Downdetector च्या मते भारतात सर्वत्र Instagram डाउन नव्हते. दिल्ली आणि मुंबईतून सर्वाधिक तक्रारी करण्यात आल्या आहेत.

समस्या सोडविण्यात आली

इंस्टाग्रामने पुष्टी केली की, काही वापरकर्त्यांना अॅपमध्ये समस्या आल्या. कंपनीने ट्विटमध्ये म्हटले आहे की, ‘आज रात्री तांत्रिक समस्येमुळे लोकांना इंस्टाग्रामवर लॉग इन करण्यात अडचण आली होती. आम्ही सर्वांसाठी ही समस्या शक्य तितक्या लवकर सोडवली आहे आणि गैरसोयीबद्दल आम्ही दिलगीर आहोत.

ट्विटरवर व्यक्त झाले युजर

इंस्टाग्राम अॅपमधील समस्यांची तक्रार करण्यासाठी अनेक वापरकर्ते ट्विटरवर देखील गेले. ट्विटरवर एका वापरकर्त्याने सांगितले की, “चॅटच्या मध्यभागी अॅपने त्रास देण्यास सुरुवात केली आहे.” तर दुसऱ्या युजरने लिहिले की, ‘मी अॅपवर काम करत होतो, पण ते अचानक काम करणे बंद झाले.’ एका यूजरने म्हटले की, इंस्टाग्राम काही तास काम करत नसेल तर ही चांगली गोष्ट नाही का?

डाउनडिटेक्टर हायलाइट करतो की बहुतेक वापरकर्ते “सर्व्हर कनेक्शन” मध्ये समस्या अनुभवत होते, तर काही अॅप वापरण्यास असक्षम होते. आउटेज ट्रॅकरनुसार, काही इंस्टाग्राम वापरकर्त्यांना लॉगिन समस्या देखील आली.