Fact Check | मोदी सरकार विधवा महिलांना 5 लाख रुपये देणार? खरं काय?

मुंबई : युट्यूबवर (Youtube) प्रसारित करण्यात आलेल्या एका व्हिडीओमध्ये असा दावा करण्यात आला (PIB Fact Check) आहे की केंद्र सरकार ‘विधवा महिला समृद्धि योजना’(Widow Women Prosperity Scheme) अंतर्गत सर्व विधवा महिलांच्या बँक खात्यात पाच लाख रुपये आणि फ्री शिलाई मशिन देत आहे. पण, खरं सांगायचं तर हे सर्व साफ खोटं आहे. ही बातमी अफवा आहे. बारत सरकारने त्यांच्या अधिकृत ट्विटर हँडल पीबीआयवरुन (PIB Fact Check) फॅक्ट चेक या बातमीचं खंडण केलं आहे.

दावा काय?

एका युट्यूबमध्ये हा दावा करण्यात आला आहे की, केंद्र सरकार ‘विधवा महिला समृद्धि योजना’ अंतर्गत सर्व विधवा महिलांच्या बँक खात्यात पाच लाख रुपये आणि फ्री शिलाई मशिन देत आहे (PIB Fact Check).

खरं काय?

पीबीआयने या व्हायरल पोस्टला खोटं सांगण्यात आलं आहे. “हा दावा खोटा आहे की केंद्र सरकारद्वारे ‘विधवा महिला समृद्धि योजना’ सारखी कुठलीही योजना चालवण्यात येत नाहीये”, असं पीबीआयने स्पष्ट केलं आहे.

यापूर्वीही अशाप्रकारे युट्यूबवर जारी एक व्हिडीओमध्ये दावा करण्यात आला होता की, केंद्र सरकार ‘महिला शक्ति योजना’ (Mahila Shakti Yojana) अंतर्गत सर्व मंहिलांच्या खात्यात 60 हजार रुपये जमा करणार आहे. पीबीआयने या व्हायरल होणाऱ्या पोस्टला खोटं असल्याचं सांगितलं होतं. “हा दावा खोटा आहे. केंद्र सरकारद्वारे महिला शक्ती सारखी कुठलीही योजना चालवण्यात येत नाहीये”, असं पीबीआयने सांगितलं आहे.

तुम्हीही करु शकता फॅक्ट चेक

जर तुम्हाला असा कुठलाही मेसेज आला असेल तर तुम्ही पीबीआयकडे फॅक्ट चेकसाठी https://factcheck.pib.gov.in/ किंवा व्हॉट्सअॅप नंबर +918799711259 किंवा ई-मेल pibfactcheck@gmail.com वर पाठवू शकता. ही माहिती पीबीआयच्या वेबसाईट https://pib.gov.in वर उपलब्ध आहे.

PIB Fact Check

संबंधित बातम्या :

RTGS सुविधेत ‘हा’ मोठा बदल; जाणून घ्या ग्राहकांना कसा मिळणार फायदा?

योगी सरकारचं 58 हजार महिलांना गिफ्ट, दर महिन्याला रोजगारासह 5200 रुपये कमवण्याची संधी