किफायतशीर किंमतीत प्रीमियम लूक, ढासू डिझाईन, जबरदस्त फीचर्ससह नवीन स्मार्टवॉच बाजारात
वेअरेबल कंपनी नॉईजने (Noise) बाजारात आणखी एक स्मार्टवॉच लाँच केलं आहे. आपल्या पोर्टफोलिओचा विस्तार करत, Noise ने बाजारात नवीन कोर स्मार्टवॉच लाँच केलं आहे.
मुंबई : वेअरेबल कंपनी नॉईजने (Noise) बाजारात आणखी एक स्मार्टवॉच लाँच केलं आहे. आपल्या पोर्टफोलिओचा विस्तार करत, Noise ने बाजारात नवीन कोर स्मार्टवॉच लाँच केलं आहे. स्मार्टवॉच हार्ट रेट मॉनिटर, विविध स्पोर्ट्स मोड आणि इतर फिचर्ससह सज्ज आहे. नॉईज कोर स्मार्टवॉचला गोल डायल आणि मेटल फिनिश मिळते. नॉईजने काही आठवड्यांपूर्वी कोर स्मार्टवॉच लाँच केले होते, त्या दरम्यान कंपनीने नॉईज अॅक्टिव्ह स्मार्टवॉच आणि नॉईज अल्ट्रा स्मार्टवॉच अधिकृत केले. (NoiseFit Core smartwatch launched in India, know Price, features)
स्मार्टवॉचबद्दल बोलताना, नॉईजचे सह-संस्थापक गौरव खत्री यांनी एका निवेदनात म्हटले आहे की, आमच्या कंपनीचा प्रत्येक कर्मचारी ग्राहकांच्या मागणीशी जुळण्यासाठी ग्राहकांना दर्जेदार उत्पादन देण्याचा प्रयत्न करत आहे. आम्ही स्मार्टवॉच रीडिफाइन करण्याचा प्रयत्न करत आहोत. या स्मार्टवॉचद्वारे, आम्ही आमच्या ग्राहकांना स्मार्ट वेअरेबल अनुभव देण्याचे लक्ष्य ठेवले आहे.
किंमत आणि उपलब्धता
Noisefit Core भारतात 2999 रुपये इतक्या किंमतीत लॉन्च करण्यात आले आहे. नॉईजच्या अधिकृत वेबसाइटवरून स्मार्टवॉच खरेदी करता येईल. हे वॉच दोन रंग पर्यायांमध्ये लाँच केले गेले आहे ज्यात ब्लॅक आणि सिल्व्हर या दोन रंगांचा समावेश आहे. कंपनी हे स्मार्टवॉच ई-कॉमर्स प्लॅटफॉर्मवर विकेल की नाही याविषयी नॉईजने अद्याप कोणतीही माहिती दिलेली नाही.
स्मार्टवॉचमधील फीचर्स
नॉईज कोर स्मार्टवॉचमध्ये 1.28 इंचाचा TFT डिस्प्ले 240 × 240 पिक्सेल रिझोल्यूशनसह आहे. स्मार्टवॉचमध्ये जिक अलॉय मेटल बॉडीचा वापर करण्यात आला आहे जी सिंगल क्राउन बटणासह येते. लूक नुसार, तुम्हाला या घड्याळात पातळ बेजल्स मिळतील. हे स्मार्टवॉच हेल्थ सेन्सर, जसे की हार्ट रेट मॉनिटर, स्लीप मॉनिटरिंग आणि 13 स्पोर्ट्स मोड्ससह सुसज्ज आहे. स्वेट आणि वॉटर रेजिस्टन्सच्या बाबतीत या स्मार्टवॉचला IP68 रेटिंग देण्यात आलं आहे.
बॅटरीच्या बाबतीत, घड्याळात 285mAh ची बॅटरी आहे. कंपनीने म्हटले आहे की घड्याळ सिंगल चार्जवर 7 दिवस टिकेल इतका बॅटरी बॅकअप देते तर ते स्टँडबायवर 30 दिवस टिकू शकते. स्मार्टवॉच Android 7 डिव्हाइस किंवा iOS 9.0 सह जोडले जाऊ शकते. Noisefit Core द्वारे म्युझिक हाताळता येईल. युजर्स या स्मार्टवॉचमध्ये वॉच फेसेस कस्टमाइज करु शकतात.
इतर बातम्या
कमी किंमत आणि 6000mAh बॅटरीसह Redmi 10 Prime भारतात लाँच
Samsung Galaxy M32 5G बाजारात, आजपासून सेल सुरु, जाणून घ्या किती आहे 5G फोनची किंमत
वर्षअखेरीस Samsung सर्वात स्वस्त 5G स्मार्टफोन लाँच करणार, जाणून घ्या फीचर्स
(NoiseFit Core smartwatch launched in India, know Price, features)