वनप्लसचा ‘हा’ फ्लॅगशिप फोन आता त्याच्या लाँच किमतीपेक्षा 7 हजार रूपयांनी झाला महाग
वनप्लसच्या या फोनच्या किमतीत दुसऱ्यांदा वाढ झाली आहे, ज्यामुळे हा फ्लॅगशिप फोन आणखी महाग झाला आहे. लाँच झाल्यापासून, त्याच्या किमतीत 7 हजार रूपयांनी वाढ झाली आहे. हा फोन लाँच झाला तेव्हा त्याची किंमत किती होती, पहिल्या दरवाढीनंतर त्याची किंमत किती होती आणि आता दुसऱ्या दरवाढीनंतर तुम्हाला तो कितीला पडेल? चला जाणून घेऊयात.
वनप्लसच्या फ्लॅगशिप फोन वनप्लस 15R च्या किंमतीत पुन्हा एकदा वाढ झाली आहे. गेल्या वर्षी डिसेंबरमध्ये हा फोन लाँच करण्यात आला होता. त्यानंतर या फोनच्या किमतीमधील ही दुसरी दरवाढ आहे. चला तर मग फोन लाँच झाला तेव्हा त्याची किंमत किती होती आणि दरवाढीनंतर त्याची सध्याची किंमत किती आहे, याबद्दल जाणून घेऊयात.
भारतात वनप्लस 15R ची किंमत
हा वनप्लस फ्लॅगशिप फोन 12GB रॅम आणि 256GB व्हेरिएंटसाठी 47 हजार 999 रूपयांमध्ये लाँच करण्यात आला होता. आता या फोनची किंमत 50 हजार 499 वरून 54 हजार 999 रूपयापर्यंत वाढवण्यात आली आहे. तर 12GB रॅम आणि 512GB व्हेरिएंट 52 हजार 999 रूपयांमध्ये लाँच करण्यात आला होता, परंतु पहिल्या दरवाढीनंतर फोनची किंमत 54 हजार 499 रूपये झाली. आता आणखी एका दरवाढीनंतर हा फोन 59 हजार 999 रूपयांना विक्रीसाठी उपलब्ध झाला आहे.
टिपस्टर यांनी किंमतवाढीची माहिती दिली आहे. याचा अर्थ, लाँच झाल्यापासून फोनच्या किंमतीत 7 हजार रूपयांनी वाढ झाली आहे. हा फोन कंपनीच्या वेबसाइटवर नवीन किंमतीसह सूचीबद्ध करण्यात आला आहे.
कंपनीने या दरवाढीचे कारण उघड केलेले नाही, परंतु सध्या संपूर्ण स्मार्टफोन उद्योगाला भेडसावणाऱ्या वाढत्या रॅम आणि स्टोरेजच्या खर्चामुळे ही दरवाढ झाल्याचे म्हटले जात आहे.
वनप्लस 15R ची वैशिष्ट्ये
या फोनमध्ये 165Hz रिफ्रेश रेट असलेला 6.8-इंचाचा डिस्प्ले आणि 1800 nits पीक ब्राइटनेस असलेला 1.5K AMOLED डिस्प्ले आहे. वेग आणि मल्टीटास्किंगसाठी, हा फ्लॅगशिप फोन स्नॅपड्रॅगन 8 Gen 5 प्रोसेसरद्वारे समर्थित आहे.
कॅमेरा सेटअपबद्दल बोलायचे झाल्यास हा फोन 120fps वर 4K व्हिडिओ रेकॉर्ड करण्यास सक्षम आहे. यामध्ये 50-मेगापिक्सलचा प्रायमरी कॅमेरा आणि 8-मेगापिक्सलचा अल्ट्रा-वाइड कॅमेरा आहे. सेल्फीसाठी 32-मेगापिक्सलचा फ्रंट कॅमेरा देण्यात आला आहे. या फोनमध्ये 7400mAh क्षमतेची मोठी बॅटरी आहे, जी 80W सुपरVOOC फास्ट चार्जिंगला सपोर्ट करते.
