ट्रूकॉलरने लाँच केली हॉस्पिटल डायरेक्टरी, फोन नंबर, पत्ता सर्व माहिती मिळणार, येथे पहा कोविड रुग्णालयांची यादी

ट्रूकॉलरने लाँच केली हॉस्पिटल डायरेक्टरी

नवी दिल्ली : टेलिफोन सर्च इंजिन आणि कॉलर आयडी सेवा प्रदान करणारी कंपनी ट्रूकॉलरने सर्वसामान्यांना सुविधा उपलब्ध करून देण्यासाठी विशेष सेवा सुरु केली आहे. ट्रूकॉलरने आपल्या मोबाईल अ‍ॅपवर कोविड -19 हॉस्पिटल डायरेक्टरी सुरू केली आहे. या डायरेक्टरीद्वारे आपण आपल्या जवळच्या कोविड रुग्णालयांबद्दल सहज माहिती मिळवू शकाल. ट्रूकॉलरने हे खास वैशिष्ट्य भारतातील वापरकर्त्यांसाठी दिले आहे. देशातील कोरोनाची दुसरी लाट पाहता कोविड हॉस्पिटल डायरेक्टरी सुरू केली गेली आहे. हे अॅप भारतात वापरले जाते. बहुतेक लोक त्यांच्या स्मार्टफोनमध्ये ट्रूकॉलर ठेवतात. यामुळे रुग्णालयांविषयी माहिती मिळविणे सुलभ होईल, लोकांना इकडे तिकडे धावण्याची गरज भासणार नाही. ट्रूकॉलरने वापरकर्त्यास घराजवळील रुग्णालयांबाबत ही विशेष सुविधा दिली आहे, जेणेकरून आपत्कालीन परिस्थितीत रुग्णाला तात्काळ दाखल करता येईल. (Truecaller Launches Hospital Directory, Phone Number, Address All Information, See List of covid Hospitals)

कुठे पहायची डायरेक्टरी?

ट्रूकॉलरने डायरेक्टरी पाहण्यासाठी अ‍ॅपच्या उजवीकडे जा जेथे डायरेक्टरी पर्याय दिसेल. येथे जाण्यासाठी आपण मेनू किंवा डायलर वापरू शकता. कंपनीच्या वतीने असे सांगितले आहे की डायरेक्टरीत रुग्णालयांचे दूरध्वनी क्रमांक व पत्ते देण्यात आले आहेत. ही रुग्णालये कोविडच्या उपचारासाठी आहेत. अ‍ॅपवर वेगवेगळ्या राज्यांच्या रुग्णालयांचा तपशील आहे. योग्य व अचूक माहिती मिळविण्यासाठी ट्रूकॉलरने आपल्या अ‍ॅपवर सरकारी डेटाबेसमधून माहिती दिली आहे.

गूगल मॅपवरही सुविधा

कोविड लसीकरण केंद्रासाठी गुगल मॅप्सनेही असाच काहीसा पुढाकार घेतला आहे. लोकांना गूगल मॅपद्वारे आपल्या जवळपास कोणते केंद्र आहे हे जाणून घेऊ शकतात. देशात लसीकरणाचे काम वेगाने सुरू असून लोक लस घेण्यासाठी केंद्रांची माहिती जाणू इच्छितात. लोकांना केंद्राविषयी माहिती शोधण्यात अडचण येऊ नये, म्हणून गूगल मॅपद्वारे आपण आपल्या आसपास असलेल्या कोविड सेंटरबद्दल माहिती मिळवू शकाल. गूगल मॅपमध्ये एक गो-टू नेव्हिगेशन प्लॅटफॉर्म आहे जिथे आपल्याला लसीकरण केंद्र आणि कोविड सेंटरबद्दल माहिती मिळेल.

केंद्राबद्दल संपूर्ण माहिती मिळवा

यासाठी आपल्याला गूगल अ‍ॅप किंवा वेब पेज ओपन करावे लागेल. येथे गेल्यानंतर प्लॅटफॉर्मला लोकेशन एक्सेस करण्याची परवानगी द्या. येथे आपणास ‘कोविड व्हॅक्सिनेशन सेंटर निअर मी’ किंवा सर्चचे इतर पर्यायही दिसतील. त्यावर क्लिक केल्यावर, रुग्णालयाची यादी ओपन होईल, ज्यामध्ये सर्व प्रकारची माहिती असेल. येथे आपणास कळेल की कोविड सेंटर किंवा लसीकरण केंद्र घरापासून किती दूर आहे. कोविड सेंटरचे डायरेक्शन, त्यातील रिक्त बेडची संख्या, कोणत्या कागदपत्रांची आवश्यकता असेल आणि इतर तपशील मिळेल. अ‍ॅपद्वारे ही सर्व माहिती मिळवून आपण थेट रुग्णालयात जाऊ शकता. (Truecaller Launches Hospital Directory, Phone Number, Address All Information, See List of covid Hospitals)

इतर बातम्या

आधी रेमडेसिवीरचे पैसे घ्यायचे, नंतर पोलिसांचा धाक, भामट्यांपासून सावध राहा !

कोरोनाच्या दुसऱ्या लाटेने देश होरपळतोय; नितीन गडकरी म्हणतात, तिसरी आणि चौथी लाटही येणार