Blinkit Rider : अरे भावा, एवढी तर माझी कमाईपण नाही; 500 रुपयांची टिप मिळाल्यावर ब्लिंकिट रायडरचा व्हिडिओ तुफान व्हायरल
Blinkit Rider : उन्हातान्हात, पावसापाण्यात, घराघरांत जाऊन डिलीव्हरी करणारे रायडर्स किती मेहनत करतात याचा अंदाज लावणंही कठीण आहे. पण थोडीशीही जाणीव असेल तर अशा डिलीव्हरी एजंट्सची मदत केली पाहिजे. एका ब्लिंकइट रायडरसोबतत असंच कहीस घडलं. जेव्हा तो छोटीशी ऑर्डर द्यायला घरी गेला, तेव्हा..
आपण घरात किंवा ऑफीसमध्ये बून पटकन एखादी गोष्ट ऑर्डर करतो. घरी काही प्लान बनला, तर लगेच ब्लिंकइंट वर ऑर्डर दिली जाते. घराच्या गेटपाशी, दरवाज्याजवळ उभ्या असलेल्या डिलीव्हरी एजंटला पाहून अनेकांच्या मनात असा विचार येऊ शकतो की अभ्यास केला नाही, शिक्षण घेतलं नाही तर आता असं ( डिलीव्हरीचं) काम करावं लागतं. पण सगळेच असे नसतात. काही लोकांना दुसरा पर्याय नाही, म्हणून असं , डिलीव्हरीचं काम करावं लागतं. ऊन असो वा पाऊस, सकाळ किंवा संध्याकाळ, अनेक लोक डिलीव्हरी एजंट बनून सतत इकडून तिकडे धावत असतात, ऑर्डर डिलीव्हर करत असतात. पण हेच लक्षात ठेऊन, ब्लिंकइट डिलीव्हरी बॉयची परिस्थिती समजून एका ग्राहकाने त्याला त्याच्या दोन दिवसांच्या कमाईइतकी ‘टिप’ दिली.
97 रुपयांची कमाई
Im blinkit rider या नावाने एका व्यक्तीने व्हिडीओ शेअर केला असून तो सायकलवरून ऑर्डर डिलीव्हर करत होता. व्हिडिओमध्ये तो सायकलसोबत, ब्लिंकिटचा गणवेश परिधान करून आणि डिलिव्हरी बॅग घेऊन जाताना दिसला. या व्हिडीओच्या सुरूवातीलाच त्याने स्पष्ट केलं की तो नुकताच एका ऑर्डरची डिलिव्हरी करून आलाय. त्यानंतर त्याने त्याच्या ॲपवर ऑर्डरचे मूल्य दाखवलं आणि त्या सत्रात आतापर्यंत झालेली त्याची कमाई – 97 रुपये देखील त्याने उघड केली.
15 रुपयांची ऑर्डर, 500 ची टीप
मात्र पुढे त्याच्या हातात 500 रुपये दिसले. आनंदाने तो पुढे म्हणाला, या ताईने मला 15 रुपयांच्या ऑर्डवर 500 रुपयांची टीप दिली. अरे भावा, एवढी तर माझी कमाई पण नसते. हा व्हिडीओ करताना तो फारच इमोशनल झालेला दिसला.
दोन दिवसांची कमाई
मी तर एवढं कमवत नाही, असं त्याने पुढे सांगितलं. एवढी कमाई तर माझी दोन दिवसांत होते. असं सांगताना तो भावूक झाला होता. नंतर त्याने अनेक वेळा थँक्यू दिदी, थँक्यू दिदी म्हणत त्या महिलेचे आभार मानले.
ब्लिंकिट युजरने मानले दिदीचे आभार
हा व्हिडिओ पाहिल्यानंतर अनेक लोकांना त्या रायडरची कठीण परिस्थिती समजली. दरम्यान, 500 रुपयांची ‘टिप’ देणाऱ्या त्या महिलेवर शुभेच्छांचा वर्षाव होत आहे. “या महिलेसाठी एक ‘रिस्पेक्ट’ बटण असायला हवे.” अशी कमेंट एका युजरने केली. तिने स्वतः कदाचित गरिबी अनुभवली असावी, असं दुसऱ्याने म्हटले. “ती नक्कीच ‘लाईक’ मिळवण्यास पात्र आहे” असंही एकाने या व्हिडीओमध्ये कमेंटमध्ये नमूद केलं.
