रस्त्यावर उभं राहून हत्ती माणसाकडे मागतोय मदत, हृदयस्पर्शी व्हिडीओ पाहिलात का?
हत्ती हा जगातील सर्वात बुद्धिमान प्राण्यांपैकी एक असून वेळोवेळी त्याचे पुरावेही ते देताना दिसतात. सध्या सोशल मीडियावर हत्तीशी संबंधित एक व्हिडिओ व्हायरल होत आहे, ज्याने लोकांची मने जिंकली आहेत.
मुंबई: प्राण्यांमध्येही माणुसकी असते. ते इतरांना ही मदत करताना दिसतात आणि गरज पडल्यास इतरांकडूनही मदत मागतात. इतर प्राणी वगळता हत्तींमध्ये हे अनेकदा दिसून येते. हत्ती हा जगातील सर्वात बुद्धिमान प्राण्यांपैकी एक असून वेळोवेळी त्याचे पुरावेही ते देताना दिसतात. सध्या सोशल मीडियावर हत्तीशी संबंधित एक व्हिडिओ व्हायरल होत आहे, ज्याने लोकांची मने जिंकली आहेत. खरं तर या व्हिडिओमध्ये एक हत्ती आपल्या लहान मुलाला संकटात बघतो आणि लोकांकडे मदत मागायला बाहेर पडतो.
व्हिडिओमध्ये तुम्ही पाहू शकता की, एक हत्ती रस्त्यावर उभा राहून एका दुचाकीस्वाराकडे मदत मागत आहे. ती आपल्या सोंडेने त्याला थांबवण्याचा प्रयत्न करते. मात्र त्या व्यक्तीला हत्ती आपल्यावर हल्ला करतोय की काय असं वाटतं म्हणून तो दुचाकीवरून वेगाने निघतो. मात्र यानंतर थोड्याच वेळात हत्ती जंगलात गेल्यावर काही लोक हत्तीच्या मुलाला मदत करण्यासाठी तिथे येतात, यानंतर लोक खड्ड्यात अडकलेल्या हत्तीच्या मुलाला वर आणण्याचा मार्ग बनवतात, जेणेकरून तो आरामात वर चढतो आणि मग आपल्या आईकडे धावतो.
अशी माणुसकी क्वचितच पाहायला मिळते. जिथे माणसं कुणाला तरी संकटात बघतात आणि त्याच स्थितीत त्यांना सोडून जातात, तिथे माणसं हत्तीला मदत करताना दिसतात. हा व्हिडिओ खरोखरच हृदयस्पर्शी आहे. सोशल मीडिया प्लॅटफॉर्म ट्विटरवर हा व्हिडिओ @cctvidiots नावाच्या आयडीसह शेअर करण्यात आला असून कॅप्शनमध्ये लिहिले आहे, ‘हत्तीच्या मुलाला वाचवणारी माणसे’.
Humans rescuing baby elephant. pic.twitter.com/dR6w866JNu
— CCTV IDIOTS (@cctvidiots) April 15, 2023
52 सेकंदाचा हा व्हिडिओ आतापर्यंत 4 लाख 30 हजारांहून अधिक वेळा पाहिला गेला आहे, तर 35 हजारांहून अधिक लोकांनी या व्हिडिओला लाइक करत वेगवेगळ्या प्रतिक्रिया दिल्या आहेत. या व्हिडिओने हृदयाला स्पर्श केला, असं काही जण म्हणत आहेत, तर काही जण हत्तीच्या मुलाचा जीव वाचवून खूप चांगलं काम केल्याचं सांगत आहेत.
