IAS Dog Viral: “मैं यहाँ तू वहाँ पर कुत्ता जायेगा कहा?”, IAS आफिसरच्या कुत्र्यावर मिम्स,काय असेल कुत्र्याचं भविष्य?

IAS आफिसरच्या कुत्र्यावर मिम्स

Image Credit source: facebook

आयएएस दाम्पत्य (IAS Couple) संजीव खिरवार आणि त्यांची पत्नी रिंकू धुग्गा यांची बदली करण्यात आली आहे. संजीव खिरवार यांना लडाखला, तर रिंकू धुग्गा यांची अरुणाचल प्रदेशला बदली (Transfer) करण्यात आली आहे. दिल्लीच्या त्यागराज स्टेडियम (Thyagraj Stadium) मध्ये फिरणाऱ्या कुत्र्यावरून हे दोन आयएएस अधिकारी वादात आले होते. आता आयएएस जोडप्याला देशाच्या दोन विरुद्ध टोकांवर तैनात केले गेले आहे. अशात सोशल मीडियावर युझर्स आपला कुत्रा आता कुठे जाणार असे प्रश्न विचारत आहेत. #DogWalkingIAS ट्विटरवर ट्रेंड होत आहे, ज्यावर यूजर्स विविध प्रकारच्या प्रतिक्रिया देत आहेत. बागबान चित्रपटातील गाणी काही युझर्सनी गायली आहेत. – “मैं यहाँ तू वहाँ!” गाण्यासोबत मीम्सही शेअर केले जात आहेत.

IAS कुत्रा कुठे जाणार?

आयएएस दाम्पत्याच्या बदलीची बातमी येताच सोशल मीडियावर युझर्स प्रश्न विचारू लागले की, त्यांचा कुत्रा आता कुठे जाणार, लडाख की अरुणाचल? संदीप कुमार नावाच्या एका ट्विटर युजरने एका डॉगीचा फोटो शेअर करत लिहिले- आयएएस अधिकाऱ्याचा कुत्रा कुठे जाणार? आणखी एका यूजरने (@theUnethical1) विचारले – आता त्यांचा कुत्रा कोण फिरवणार?

साक्षी (@OhSakshiSakshi) नावाच्या युझरने सांगितले- आयएएस कपलचा कुत्रा लडाखला जाणार की अरुणाचल प्रदेशात? ट्विटरवर अनेक युजर्सनी डॉगीबाबत मीम्स शेअर केलेत…

स्टेडियममध्ये कुत्र्याला फिरवण्यावरून झाला होता वाद

खरं तर, दिल्लीच्या त्यागराज स्टेडियममध्ये प्रशिक्षण घेतलेल्या प्रशिक्षकाने असा दावा केला की, पूर्वी तो रात्री 8.30 च्या सुमारास प्रशिक्षण घेत असे, तेव्हा हा वाद सुरू झाला. पण आता त्यांना 7 वाजता मैदान खाली करण्यास सांगितले जाते, जेणेकरून आयएएस संजीव खिरवार आपल्या कुत्र्यासह तेथे चालू शकतील. त्यामुळे खेळाडूंच्या प्रशिक्षण आणि सरावात अडथळा येत असल्याचेही प्रशिक्षकाने सांगितले.

हे प्रकरण माध्यमांमध्ये झळकताच वाद चिघळला. यानंतर केंद्र सरकारने हालचाली सुरू केल्या आणि बीटी रात्री आयएएस संजीव खिरवार यांची लडाखला तर पत्नी रिंकू धुग्गा यांची अरुणाचल प्रदेशात बदली करण्यात आली. व्हायरल झालेल्या एका फोटोमध्ये, आयएएस कपल संजीव खिरवार आणि रिंकू दुग्गा त्यागराज स्टेडियमच्या आतील रेस ट्रॅकवर आपल्या कुत्र्याला फिरवताना दिसत आहेत. दुसरीकडे, 1994च्या बॅचचे आयएएस अधिकारी खिरवार यांनी आपल्यावरील आरोप खोटे असल्याचे म्हटले आहे. मात्र, आपण कधी कधी कुत्र्याला तिथे फिरायला घेऊन जातो, हे त्याने मान्य केले आहे, पण त्यामुळे खेळाडूंच्या सरावात अडथळा निर्माण होतो, हे मात्र त्यांनी नाकारले आहे.