Teri Aakhya ka Yo Kajal : काकांचा डान्सपासून लोक झाले पागल….! सपना चौधरीही म्हणेल, ‘भारीएत हे काका’

Man dancing of Teri Aakhya ka yo Kajal Sapna Chaudhari Song : सपना चौधरीच्या तेरी आख्या का यो कायल (Teri Aakhya ka yo Kajal song of Sapna Chaudhary) गाण्यावर ठेका लगावणं, वेस्ट इंडियन बॅट्समन क्रिस गेललाही आवरता आलं नव्हतं.

हा व्हायरल डान्स तुम्हीही पाहून घ्या..Image Credit source: instagram

सिद्धेश सावंत | Updated on: Apr 15, 2022 | 12:28 PM

डान्स (Dance) हा शब्द बोलायला जेवढा सोपा, तेवढाच तो करायला कठीण! नाचण्यासाठी पण हिम्मत लागते. टॅलेंट लागतं. ऐऱ्यागैऱ्याचं ते कामच नाही. सोशल मीडियात असे नवनवे डान्सचे हटके व्हिडीओ समोर येत असतात. व्हायरल (Dance viral video)झालेल्या डान्सिंग अन्कलची गोष्ट तर तुम्हाला माहीत आहेच. पण आता आणखी एक काकांचा डान्सचा व्हिडीओ व्हायरल झालेलाय. हा व्हिडीओ पाहून लोकांना हसू आवरता येत नाहीये. काकांचा डान्स विनोदी तर आहेच, पण भारीही आहे. सपना चौधरीच्या तेरी आख्या का यो कायल (Teri Aakhya ka yo Kajal song of Sapna Chaudhary) गाण्यावर ठेका लगावणं, वेस्ट इंडियन बॅट्समन क्रिस गेललाही आवरता आलं नव्हतं. आणि आता जो व्हिडीओ समोर आला आहे, त्यात तर हे काका टिपीकल देसी आहेत. त्यांच्या देसी स्टेप्स सगळ्यांनाच आनंद देतायत. त्यांनी केलेला डान्स पाहून स्टेजवरचेही आपल्या स्टेप्स विसरले होते. प्रेक्षकांना तर हसून हसून घायाळ झाले होते. प्रेक्षकांपैकी एकानं या काकांचा एक व्हिडीओ आपल्या मोबाईलमध्ये रेकॉर्ड केला. सोशल मीडियावर पोस्ट केला. आणि आता हा व्हिडीओ तुफान व्हायरल झाला आहे.

कॉमेडियनकडून कॉमेडी व्हिडीओ शेअर

कॉमेजियन सुनील ग्रोवरनं हा व्हिडीओ इन्स्टाग्रामवरुन शेअर केला आहे. खुद्द सपना चौधरीही हा व्हिडीओ पाहून रिएक्ट झाली आहे. सुनील ग्रोवरनं शेअर केलेल्या व्हिडीओवर सुपनानं कमेंट केली आहे. एकदा हा व्हिडीओ पाहून मन भरत नाहीये. सारखं सारखं हा डान्स पाहण्याचं मन करतंय, असं कॉमेडियन सुनील ग्रोवरनं म्हटलंय.

असं काय आहे खास डान्समध्ये?

खरंतर एका कोणत्यातरी कार्यक्रमातला हा डान्स आहे. एका गाण्यावर खराखुरा परफॉर्मन्स सुरु असतो. मात्र एक व्यक्ती स्टेजवर येऊन नाचू लागतो. या व्यक्तीचा डान्स इतर परफॉर्मरवर भारी पडतो. सगळ्यांचं लक्ष ही एकटी व्यक्ती वेधून घेते. चित्र-विचित्र गावराण स्टेप्स हा व्यक्ती सपना चौधरीच्या गाण्यावर करताना दिसतो.

हा स्टेप्स इतक्या विनोदी असतात, की व्हिडीओ रेकॉर्ड करणाऱ्यालाही हसू आवरत नाही. अवघ्या 29 सेकंदाच्या या व्हिडीओनं सध्या सगळ्यांना पोटभर हसवलंय. एकहा हा व्हिडीओ पाहाच..