एक काळ असा होता, ज्यावेळी लग्नामध्ये माहेरचे घर सोडताना अंतकरण जड व्हायचे. वधू आपल्या आई-वडिलांना घट्ट मिठी मारत रडत असायची. माहेरच्या घरातून तिचे पाय निघेनासे व्हायचे. मात्र आता काळ बदलला आहे. कित्येक तरुणी तर आपल्या आई-वडिलांना विश्वासात न घेताच विवाहबंधनात अडकतात, कित्येक जणी स्वतःच्या मर्जीने आपल्या साथीदार निवडून धुमधडाक्यात लग्न करून सासरच्या घरी जातात. सध्याच्या डिजिटल जमान्यात हा बदल पाहायला मिळतो आहे. पण त्यातही काही तरुणी या बदलापासून दूर आहेत. सध्या सोशल मीडियामध्ये व्हायरल झालेल्या व्हिडिओमधून याचीच प्रचिती येत आहे.
वधूला लग्न मंडपातून चौघांनी उचलून घेत नवरोबाच्या गाडीमध्ये बसवले. तिने लग्न मंडपात रडून जोरदार कल्लोळ केला. त्यामुळे तिचा हा व्हिडिओ सध्या चांगलाच गाजला आहे.
घरात लहानाची मोठी झालेली कन्या दुसऱ्या घरी पाठवताना आई वडील फार भावनिक होतात. किंबहुना संपूर्ण कुटुंबच जड अंतकरणाने लाडक्या मुलीला निरोप देत असतात. वायरल व्हिडिओमध्ये मात्र नेमके उलटे चित्र आहे.
माहेरचे लोक चक्क निष्ठूर बनले आहेत. त्यांनी वधू असलेल्या आपल्या कन्येला जबरदस्तीने उचलले आहे आणि नवरोबाच्या कारमध्ये नेऊन बसवले.
इतर लग्नांमध्ये दिसणारी लगीनघाई आणि व्हायरल व्हिडिओतील मंडपात दिसलेली धावपळ यामधला फरक सर्वांनाच पोट धरून हसायला लावत आहे.
माहेर सोडताना रडून हैराण झालेल्या वधूचा व्हिडिओ पाहताना सोशल मीडिया युजर्स मोठ्या प्रमाणावर आनंद घेत आहेत. युजर्स व्हिडिओवरती अनेक रंजक कमेंट्स नोंदवत आहेत. लाईक्सचा तर क्षणाक्षणाला पाऊस पडतो आहे.
लोक स्वतः हा व्हिडिओ पाहून आपल्या मित्र-मैत्रिणींनाही शेअर करत आहेत. त्यामुळे व्हिडिओच्या चाहत्यांचा आकडा वाढतोच आहे. तुम्हालाही हा व्हिडिओ पहायचा असेल तर पोट धरून हसण्याची तयारी ठेवा.