अचानक चुकीच्या ठिकाणी शिरला उंदीर, तरुणांनी त्याच्यासोबत जे केलं ते पाहून नेटकरी संतापले, Video Viral

सध्या सोशल मीडियावर मोठ्या प्रमाणात कॉमेडी आणि भावनिक व्हिडीओ व्हायरल होत असतात. अशातच आता असाच एक व्हिडीओ सध्या सोशल मीडियावर प्रचंड चर्चेत आला आहे. मोठ्या प्रमाणात व्हायरल होत असलेल्या या व्हिडीओमध्ये काही तरुणांनी एका उंदरासोबत केलेली क्रूर वागणूक पाहून अनेकांनी नाराजी व्यक्त केली आहे.

व्हायरल होत असलेल्या व्हिडिओमध्ये एका खोलीत उंदीर शिरल्याचे दिसते आहे. खोलीत काही तरुण बसलेले दिसत असून, त्यांनी उंदराला बाहेर काढण्याऐवजी त्याच्याशी अमानुष वागणूक दिल्याचे दिसून येत आहे. एका तरुणाने चप्पलने उंदरावर वार केल्याचे दिसत आहे. त्यानंतर दुसरा तरुण उंदराची शेपटी पकडून त्याला हवेत उचलतो आणि चेंडूप्रमाणे दूर फेकतो. संपूर्ण व्हिडिओमध्ये उंदराला पुन्हा पुन्हा मारणे आणि फेकणे असे प्रकार सुरू असल्याचे दिसत आहे.

काही तासांमध्ये मिळाले हजारो व्ह्यूज

हा व्हिडिओ नेमका कुठला आहे किंवा तो कधी शूट करण्यात आला, याबाबत कोणतीही अधिकृत माहिती उपलब्ध नाही. मात्र, हा व्हिडिओ विविध सोशल मीडिया प्लॅटफॉर्मवर मोठ्या प्रमाणात व्हायरल होत असून त्याला मोठ्या प्रमाणात शेअर देखील केलं जात आहे. त्यावर जोरदार चर्चा सुरू आहे.

हा व्हिडिओ एक्स (पूर्वीचे ट्विटर) या सोशल मीडिया प्लॅटफॉर्मवरील @Shibyash_17 या अकाउंटवर शेअर करण्यात आला आहे. व्हिडिओसोबत जेव्हा एखादा सोलो प्लेयर एखाद्या इव्हेंटमध्ये घुसतो असे विनोदी कॅप्शन देण्यात आले आहे. या व्हिडिओला 32 हजारांहून अधिक व्ह्यूज मिळाले आहेत.

When the solo player enter the event 🤣🤣🤣🤣 pic.twitter.com/pU1Sm5rGhl

— shibya Sharma (@Shibyash_17) July 27, 2026

व्हिडिओवर चाहत्यांकडून प्रतिक्रिया

व्हिडिओ पाहिल्यानंतर अनेक नेटकऱ्यांनी आपल्या प्रतिक्रिया नोंदवल्या. एका यूजरने, बिचारा चुकीच्या ठिकाणी अडकला, अशी प्रतिक्रिया दिली. दुसऱ्या यूजरने, हे तर आयटी कॉर्पोरेट कल्चरच आहे अशी उपरोधिक टिप्पणी केली. तर आणखी एका यूजरने आपल्या घरीही असा अनुभव आल्याचे सांगत प्रतिक्रिया व्यक्त केली.

टीप : या घटनेबाबतची माहिती सोशल मीडियावर व्हायरल होत असलेल्या व्हिडिओ आणि दाव्यांवर आधारित आहे. व्हिडिओची सत्यता, ठिकाण किंवा वेळ याबाबत कोणतीही अधिकृत पुष्टी झालेली नाही