Video | सापाला तोंडात धरून गोल-गोल फिरवलं, कुत्र्याच्या पिल्लांची करामत एकदा पाहाच !
सध्या असाच एक मजेदार व्हिडीओ सोशल मीडियावर व्हायरल होत आहे. या व्हिडीओमध्ये दोन कुत्र्याची पिल्लं दिसत आहेत. या पिल्लांनी केलेली करामत पाहण्यासारखी आहे.
मुंबई : सोशल मीडियावर कधी काय व्हायरल होईल हे सांगता येत नाही. या मंचावर प्राण्यांचे व्हिडीओ तर हमखास व्हायरल होतात. सध्या असाच एक मजेदार व्हिडीओ सोशल मीडियावर व्हायरल होत आहे. या व्हिडीओमध्ये दोन कुत्र्याची पिल्लं दिसत आहेत. या पिल्लांनी केलेली करामत पाहण्यासारखी आहे. (Two Puppies playing together with snake video went viral on social media)
व्हिडीओमध्ये काय आहे ?
सध्या व्हायरल होत असलेला व्हिडीओ हा अतिशय मजेदार आहे. या व्हिडीओमध्ये कुत्र्याची दोन पिल्लं दिसत आहेत. ही पिल्लं अतिशय़ गोंडस असून ती मजेत खेळताना दिसतायत. विशेष म्हणजे ते काही एकटे खेळत नसून त्यांनी खेळताना एका मोठ्या सापाला वेठीस धरलं आहे. या सापाला ते आपल्या तोंडात पकडून मस्तपैकी खेळत आहेत.
दोन पिल्लांची सापासोबत मस्ती
आपल्याला माहिती आहे की, साप हा विषारी प्राणी आहे. सर्वच साप हे विषारी नसले तरी काही सापांच्या दंशामुळे मृत्यू ओढावू शकतो. मात्र, असे असले तरी व्हिडीओतील कुत्र्याची पिल्लं कसलीही तमा न बाळगता अतिशय मजेत खेळत आहेत. या दोन्ही पिलांच्या तावडीतून सुटण्यासाठी हा साप प्राणपणाने प्रयत्न करतो आहे. मात्र, काहीही झालं तरी कुत्र्याची पिल्लं सापाला काही सोडत नाहीयेत. यातील एक पिल्लू तर शेपटीला आपल्या तोंडात पकडून सापाला गोल-गोल फिरवत आहे.
नेटकऱ्यांच्या भन्नाट प्रतिक्रिया
हा व्हिडीओ पाहून नेटकऱ्यांनी मजेदार कमेंट्स केल्या आहेत. हे दृश्य खरंच मजेदार आहे. हा व्हिडीओ पाहून मला हसू आवरत नाहीये, अशी प्रतिक्रिया एका नेटकऱ्याने दिली आहे. तर ही पिल्लं कुत्र्यासोबत खेळत आहेत की भांडत आहेत; हे समजत नाहीये, असे दुसऱ्या नेटकऱ्याने म्हटलंय.
पाहा व्हिडीओ :
कैसा लगा ये खेल आपको pic.twitter.com/oiKrsdGP9c
— @tweetbyjounralist (@kumarayush084) June 22, 2021
व्हिडीओ सोशल मीडियावर व्हायरल
दरम्यान, हा व्हिडीओ नेमका कुठला आहे याबाबत नेमकी माहिती समजू शकलेली नाही. मात्र, या व्हिडीओला @tweetbyjounralist या व्टिटर अकाऊंटवर शेअर करण्यात आले असून लोक त्यावर मजेदार कमेंट्स करत आहेत.
इतर बातम्या :
Video | पिंजऱ्यात डांबून जंगलात आणलं, बाहेर आल्यानंतर वाघाने काय केलं ? एकदा पाहाच
Video | स्वत:ला सावरण्याचा पुरेपूर प्रयत्न, शेवटी व्हायचं तेच झालं, दोन महिलांचा व्हिडीओ व्हायरल
Video | कपडे धुताना महिला गोड लाजली, नेटकऱ्यांच्या काळजाचं पाणी, सोशल मीडियावर धुमाकूळ
(Two Puppies playing together with snake video went viral on social media)
