देशातील सर्वात लांब ट्रेन, जिची लांबी 3.5 किमी, 295 डब्बे ओढण्यासाठी लागतात 6 इंजिन, काय आहे नाव?
भारतातील सर्वात लांब ट्रेन. जिला स्टेशन पार करण्यासाठी लागतात तब्बल चार मिनिटे. लांबी 3.5 किमी इतकी. 295 डब्बे ओढण्यासाठी लागतात 6 इंजिन. काय आहे नाव?
भारतामध्ये रेल्वे ही केवळ प्रवासी वाहतुकीसाठीच नाही तर देशाच्या अर्थव्यवस्थेसाठीही अत्यंत महत्त्वाची व्यवस्था मानली जाते.
दररोज हजारो टन माल एका राज्यातून दुसऱ्या राज्यात पोहोचवण्यासाठी मालगाड्यांचा वापर केला जातो. यामध्ये भारतातील सर्वात लांब मालगाडी म्हणून 'सुपर वासुकी' विशेष प्रसिद्ध आहे.
सुपर वासुकी ही आतापर्यंतची भारतीय रेल्वेची सर्वात लांब मालगाडी मानली जाते. या ट्रेनची लांबी सुमारे 3.5 किलोमीटर आहे आणि यात एकूण 295 डबे जोडलेले आहेत. इतकी मोठी ट्रेन चालवण्यासाठी 6 इंजिन वापरले जातात. ही ट्रेन एखाद्या स्टेशनमधून जाताना संपूर्ण स्टेशन पार करण्यासाठी जवळपास 4 मिनिटे लागतात.
तिची प्रचंड लांबी आणि मोठी वहन क्षमता यामुळे ती देशभरात चर्चेचा विषय ठरली. ही मालगाडी कोळसा वाहतूक करण्यासाठी वापरली जाते. या प्रवासात ही ट्रेन सुमारे 27,000 टन कोळसा वाहून नेते. हा प्रवास पूर्ण करण्यासाठी साधारण 11 तास 20 मिनिटे लागतात.
सुपर वासुकीला तयार करण्यासाठी पाच वेगवेगळ्या मालगाड्यांचे रेक एकत्र जोडून ही एकच ट्रेन बनवण्यात आली आहे. त्यामुळे तिची वहन क्षमता सामान्य मालगाड्यांपेक्षा जवळपास तीनपट जास्त आहे.
जगातील सर्वात लांब मालगाडीचा विक्रम मात्र BHP च्या BHP Iron Ore Train या ट्रेनच्या नावावर आहे. या ट्रेनची लांबी सुमारे 7.352 किलोमीटर असल्याचे सांगितले जाते, जी भारताच्या सुपर वासुकीपेक्षा जवळपास दुप्पट आहे.
