लेकीला डॉक्टर बनविण्यासाठी ग्रॅज्युएट आई चालवते ई रिक्षा!

mother earning by driving e rickshaw

Image Credit source: Social Media

यूपीच्या जौनपूरमधील एक महिला उपजीविकेसाठी आणि आपल्या मुलीचे उज्ज्वल भवितव्य घडवण्यासाठी रस्त्यावर ई-रिक्षा चालक म्हणून काम करत आहे. जौनपूरच्या रस्त्यांवर ई-रिक्षा चालवणाऱ्या या महिलेचे नाव गायत्री आहे. अयोध्येची रहिवासी असलेल्या गायत्रीचा जन्म मध्य प्रदेशातील भोपाळ येथे झाला. गायत्रीने शिक्षण घेऊन भोपाळमधून पदवी घेतली. गायत्रीचं लग्नही मोठ्या थाटामाटात झालं होतं, पण मुलीच्या जन्मानंतर काही दिवसांनी नवरा गायत्रीला सोडून गेला.

गायत्रीने आपल्या मुलीला शिकवण्यासाठी मॉल्सपासून अनेक एजन्सीजमध्ये काम केले. गायत्री म्हणते की त्या ठिकाणी जास्त शोषण आणि पैसे फक्त 7 हजार होते, म्हणून गायत्रीने ते काम सोडले. गायत्रीने आपल्या मुलीला शिक्षणासाठी बहिणीच्या घरी पाठवले.

बहीण आणि मेहुण्यांनी गायत्रीला सल्ला दिला की ड्रायव्हिंग शिकून ई-रिक्षा चालवून पैसे कमव. गायत्री बहीण आणि मेव्हण्याच्या मदतीने ई-रिक्षा चालवायला शिकली. आता ती दररोज 300 रुपये भाड्याने ई-रिक्षा घेऊन रस्त्यावर फिरतानाही दिसत आहे.

सध्या हे शहर गायत्रीसाठी नवीन आहे, इथले रस्ते नवीन आहेत, त्यामुळे गायत्रीची बहीणही गायत्रीसोबत रोज ई-रिक्षाने जाते जेणेकरून तिला मार्ग सांगता येईल. गायत्रीच्या म्हणण्यानुसार, अनेकदा महिलेला रिक्षा चालवताना पाहून लोकही मागे वळतात. पण मला माझं काम करावं लागेल. मला माझ्या मुलीला डॉक्टर बनवायचं आहे.

गायत्रीची मुलगी श्रेया अकरावीत शिकते. श्रेयाचे स्वप्न डॉक्टर होण्याचे असून तिला उच्च व चांगले शिक्षण देण्यासाठी गायत्री अहोरात्र झटत आहे. श्रेया सांगते की आई तिच्या आयुष्यात खूप संघर्ष करत आहे आणि मला आईचे हे स्वप्न पूर्ण करायचे आहे.

असं म्हटलं जातं की, आईने आपल्या मुलासाठी एखादी गोष्ट ठरवली तर ती कोणत्याही किंमतीवर पूर्ण करते. गायत्रीनेही आपल्या मुलीला डॉक्टर बनवण्याचे स्वप्न पाहिले असून ती तिच्यासाठी मेहनतही घेत आहे.