बँक ऑफ इंडियाच्या ग्राहकांनो लक्ष द्या, 30 सप्टेंबरपूर्वी पॅनकार्ड आधारशी जोडा, अन्यथा…
Bank of India | बँकेने ग्राहकांना तातडीने पॅनकार्ड आधारशी लिंक करण्यास सांगितले आहे. अन्यथा तुमचे पॅनकार्ड रद्द होईल. त्यामुळे तुम्हाला बँकेशी संबंधित कोणतेही व्यवहार करता येणार नाहीत. इतर आर्थिक व्यवहारांमध्येही अडचणींचा सामना करावा लागेल, असे या ट्विटमध्ये नमूद केले आहे.
मुंबई: बँक ऑफ इंडियाकडून पॅनकार्ड आधारशी जोडणे बंधनकारक करण्यात आले आहे. अन्यथा 30 सप्टेंबरनंतर संबंधित ग्राहकांना कोणतेही व्यवहार करता येणार नाहीत. बँक ऑफ इंडियाकडून (BOI) यासंदर्भात एक ट्विट करण्यात आले आहे. (Bank of India warns customers about Pan card and Aadhar linking)
यामध्ये बँकेने ग्राहकांना तातडीने पॅनकार्ड आधारशी लिंक करण्यास सांगितले आहे. अन्यथा तुमचे पॅनकार्ड रद्द होईल. त्यामुळे तुम्हाला बँकेशी संबंधित कोणतेही व्यवहार करता येणार नाहीत. इतर आर्थिक व्यवहारांमध्येही अडचणींचा सामना करावा लागेल, असे या ट्विटमध्ये नमूद केले आहे.
पॅनकार्ड आधारशी लिंक आहे का, हे कसे चेक कराल?
अनेकांना पॅनकार्ड आणि आधार लिंक झालं आहे की नाही याची कल्पना नसते. मॅसेज किंवा इनकम टॅक्सच्या वेबसाईटवर जाऊन आपला पॅन-आधार कार्ड सहजपणे लिंक करू शकता. यासाठी, आपल्याला आयकर विभागाच्या अधिकृत वेबसाईट https://www1.incometaxindiaefiling.gov.in/eFilingGS/Services/AhaarPreloginStatus.html वर जावे लागेल. लिंक ओपन झाल्यानंतर तुम्हाला दोन बॉक्स दिसतील. यापैकी एका बॉक्समध्ये तुम्हाला तुमचा आधार क्रमांक टाकावा लागेल.
तर दुसर्‍या बॉक्समध्ये पॅन क्रमांक टाका. त्यानंतर view link aadhaar status वर क्लिक करा. त्यावर क्लिक करून, जर तुमचे आधार कार्ड पॅन क्रमांकाशी जोडलेले असेल तर तुम्हाला Sucess असे दाखवले जाईल. मात्र जर तुम्ही आधार आणि पॅन कार्ड एकमेकांशी जोडलेले नसेल तर तेही तुम्हाला दाखवले जाईल. यामुळे तुम्हाला आधार पॅनशी जोडलेले आहे की नाही हे सहज जाणून घेता येईल.
पॅनकार्ड कसे जोडाल आधार कार्डशी?
– आयकर विभागाच्या अधिकृत वेबसाइट incometaxindiaefiling.gov.in वर लॉगिन करा.
– इथे तुम्हाला आधार लिंक करण्याचा पर्याय दिसेल. त्यावर क्लिक करा.
– त्यानंतर तुमचा पॅन नंबर, आधार क्रमांक, तुमचे नाव खाली असलेल्या बॉक्समध्ये भरा.
– यानंतर कॅप्चा कोड काळजीपूर्वक पाहा आणि बॉक्समध्ये भरा.
– सर्व माहिती भरल्यानंतर आधारशी लिंक अशा पर्यायावर क्लिक करा.
पॅन कार्डसह आधारला कसे लिंक कराल?
पॅनशी आधार जोडण्याची प्रक्रिया ऑनलाईन आणि ऑफलाईन दोन्ही प्रकारे करता येते. आपण इच्छित असल्यास आपण एसएमएसद्वारे पॅन आणि आधार देखील लिंक करू शकता. यासाठी आपल्याला UIDPAN <SPACE>12 अंकी आधार क्रमांक> <SPACE> <10 अंकी PAN> लिहून 567678 नंबरवर किंवा 56161 वर मेसेज पाठवावा.
ऑनलाईन लिंक करण्याची प्रक्रिया
पॅनकार्डसह आधार लिंक करण्यासाठी अधिकृत आयकर वेबसाईट https://www.incometaxindiaefiling.gov.in/home वर जा. ‘लिंक आधार’ वर क्लिक करा. हे केल्यानंतर एक नवीन पृष्ठ उघडेल. त्यात पॅन, आधार क्रमांक आणि आपले नाव भरा. जर आपल्या आधारवर फक्त जन्माचे वर्ष लिहिले गेले असेल तर आपणास हा पर्याय निवडावा लागेल – ‘आधार कार्डमध्ये माझ्याकडे फक्त जन्माचे वर्ष आहे’. आता कॅप्चा कोड प्रविष्ट करा आणि लिंक आधारावर क्लिक करा. हे केल्यावर प्रक्रिया पूर्ण झालेलं पृष्ठ उघडेल, ज्यामध्ये पॅनशी संबंधित माहिती दिसेल.
हे काम ऑफलाईन करा
ऑफलाईन लिंकसाठी आपल्याला PAN सेवा प्रदाता, NSDL किंवा UTIITSL च्या सेवा केंद्रास भेट द्यावी लागेल. येथे ‘Annexure-I’ फॉर्म भरावा लागेल आणि पॅनकार्ड व आधार कार्डची प्रत सोबत अन्य काही कागदपत्रेही कॉपी करावी लागतील. या वेळी आपल्याला निश्चित फी देखील द्यावी लागेल. या प्रक्रियेद्वारे आपण पॅनला आपल्या आधारशी लिंक करू शकता.
संबंधित बातम्या:
PAN Aadhaar Linking: 30 जूनपर्यंत पॅनकार्ड आधारला लिंक न केल्यास होणार रद्द, भरावा लागणार दंड
(Bank of India warns customers about Pan card and Aadhar linking)