Buldana | समृद्धी महामार्गावर भीषण अपघात, 13 जणांचा मृत्यू

समृद्धी महामार्गावर भीषण अपघात झालाय. या अपघातात 13 जणांचा जागीच मृत्यू झालाय तर तीन जण गंभीर जखमी झाले आहेत. सिंदखेडराजा तालुक्यातील तढेगाव-दुसरबिडमध्ये लोखंडी सळई घेऊन जात असलेला ट्रक पलटी होऊन हा अपघात झाला. या ट्रकमध्ये बाहेर राज्यातील (परप्रांतीय) मजूर असल्याची प्राथमिक माहिती मिळत आहे. समृद्धी हायवेच्या कामासाठी दुसरबीड येथे मजूर घेऊन हा टेम्पो जात होता. यादरम्यान तळेगाव येथे हा गंभीर अपघात झाला. समृद्धी महामार्गावर काम करणारे मजूर परप्रांतीय असल्याचं समोर येत आहे. ट्रकमध्ये एकूण 17 ते 18 मजूर होते. या मजुरांपैकी 13 जणांचा जागीच मृत्यू झालाय तर तीन जण गंभीर जखमी झाले आहेत.