BMC अन् BEST कर्मचाऱ्यांच्या दिवाळी बोनसवरून आदित्य ठाकरे यांची सरकारवर टीका, काय केला सवाल?

मुंबई, ८ नोव्हेंबर २०२३ | अवघ्या काही दिवसांवर दिवाळी आल्याने अद्याप BMC आणि BEST कर्मचाऱ्यांच्या दिवाळीचा बोनस देण्यात आला नसल्याने आदित्य ठाकरे यांनी सरकारवर हल्लाबोल केलाय. आदित्य ठाकरे यांनी सरकारला एक प्रश्न करत खोके सरकार दिवाळी बोनस देणार आहे की नाही? असा खोचक टोला लगावलाय. पुढे आदित्य ठाकरे यांनी ट्वीटमध्ये असेही म्हटले की, अनेक दशकांनंतर पहिल्यांदाच BMC आणि BEST च्या कर्मचाऱ्यांना त्यांचा दिवाळी बोनस अद्याप मिळालेला नाही. CMO च्या माध्यमातून बीएमसी चालवणारे खोके सरकार दिवाळी बोनस देणार आहे की नाही? देणार तर कधी? दिवाळी संपल्यावर? असा सवालही आदित्य ठाकरे यांनी केलाय. रस्त्यावरील प्रश्नांवर वाचा फोडताना ते म्हणाले, रस्ते घोटाळ्यातील कंत्राटदाराला बडतर्फ करण्याची फाइल अंतिम स्वाक्षरीसाठी महापालिका आयुक्तांच्या डेस्कवर पोहोचली आहे. ते त्यावर स्वाक्षरी करून त्या कंत्राटदाराचे कंत्राट रद्द करणार की खोके सरकारच्या दबावापुढे झुकून त्यांच्याबरोबरीने मुंबई लुटणार? असा खोचक सवालही त्यांनी केलाय.