2022 लाच ईडी चौकशी झाली; मात्र ईडी वाले वैतागून गेले; राष्ट्रवादी नेत्याचा गौप्यस्फोट

अहमदनगर : अहमदनगरला महाविकास आघाडीचा बाजार समितीच्या प्रचाराचा नारळ फोडून शुभारंभ करताना राष्ट्रवादीचे आमदार निलेश लंके यांनी तुफान फटकेबाजी केली. यावेळी त्यांनी नाव न घेता विखे पिता पुत्रांवर निशाणा साधला. तर आपली ईडी चौकशी 2022 लाच झाल्याचा गौप्यस्फोट केला. तसेच यावेळी इडी वाले चौकशीला आले आणि वैतागून गेले. मात्र निलेश लंकेकडं काहीच निघत नाही. तर त्यावेळी मी मनात म्हटलं उलट इडीवालेच म्हणतील हे खिशातले पैसे खर्चायला घे. ईडी वाले आले आणि येडे होऊन गेले असा टोला लंके यांनी लगावलाय.