Air India Plane Crash : एअर इंडियाचं विमान अहमदाबादेत कसं कोसळलं? नेमकं काय घडलं? किती होते भारतीय प्रवासी?

गुजरातमधील अहमदाबाद येथे मोठी दुर्घटना घडली. अहमदाबादहून लंडनला जाणारं एअर इंडियाचं विमान क्रॅश झालं. अपघात झालेल्या एअर इंडियाच्या विमानात एकूण 242 प्रवासी होते. विमान लंडनला निघाले होते पण अचानक अपघात झाला. जखमींना रुग्णालयात दाखल करण्यात आले आहे आणि घटनास्थळी मदत आणि बचाव कार्य सुरू आहे.

कोणत्या देशाचे किती प्रवासी होते?

बोईंग 787-8 या विमानाने आज गुरूवारी दुपारी 1 वाजून 38 मिनिटांनी अहमदाबाद विमानतळावरून लंडनच्या दिशेने टेकऑफ केले होते. त्यामध्ये एकूण 242 प्रवासी प्रवास करत होते, त्यापैकी 12 क्रू मेंबर्स होते, उर्वरित 230 प्रवाशांपैकी साधारण 169 भारतीय प्रवाशी होते. तर 53 ब्रिटिश नागरिक होते, एक प्रवासी कॅनडाचा होता आणि सात प्रवासी पोर्तुगीज नागरिक होते, अशी माहिती एअर इंडियाकडून देण्यात आली आहे. तर या विमान अपघातात जखमी झालेल्यांना रुग्णालयात दाखल करण्यात आले आहे.