अहमदाबाद विमान अपघात

अहमदाबाद विमानतळाजवळील मेघानी परिसरात आज 12 जून 2025 रोजी दुपारी एअर इंडियाचे विमान कोसळले. हे विमान लंडनकडे जात होते आणि टेक ऑफ केल्यानंतर अवघ्या 5 मिनिटांतच ते कोसळले. या विमानात दोन पायलट आणि 10 क्रू मेंबर्ससह एकूण 242 प्रवासी होते. या विमान अपघातात 50 प्रवासी ठार झाल्याची शक्यता वर्तवली जात आहे. टेक ऑफनंतर विमान सुमारे 600 फूट उंचीवर गेले आणि त्यानंतर अचानक खाली कोसळू लागले. काही क्षणांतच हे विमान एका रहिवासी भागात कोसळले आणि त्याला आग लागली. हे विमान बी. जे. मेडिकल कॉलेजच्या हॉस्टेलवर कोसळले, त्यामुळे तिथे उपस्थित असलेल्या लोकांनाही इजा झाली. या फ्लाइटमध्ये गुजरातचे माजी मुख्यमंत्री विजय रूपाणीही प्रवास करत होते.