Election Commission | केंद्रीय निवडणूक आयोगाने जाहीर केली बारामती आणि राहुरी पोटनिवडणुकीसह 5 राज्यांच्या विधानसभा निवडणुकीची तारीख

केंद्रीय निवडणूक आयोगाने आज नवी दिल्लीमध्ये पत्रकार परिषद घेऊन देशातील पाच महत्त्वाच्या राज्यांमध्ये होणाऱ्या विधानसभा निवडणुकीचे कार्यक्रम जाहीर केले. या घोषणेनुसार पश्चिम बंगाल, आसाम, तामिळनाडू, केरळ या चार राज्यांमध्ये आणि पुद्दुचेरी या केंद्रशासित प्रदेशात निवडणूक प्रक्रिया पार पडणार आहे. याशिवाय, काही रिक्त झालेल्या जागांवरील पोटनिवडणुकीचीही घोषणा करण्यात आली आहे. बारामती विधानसभा पोटनिवडणूक अजित पवार यांच्या निधनानंतर झाली आहे. राहुरी विधानसभा पोटनिवडणूकही आमदार शिवाजीराव कर्डिले यांच्या निधनानंतर होणार आहे. बारामती आणि राहुरी पोटनिवडणुकीसाठी मतदान 23 एप्रिल रोजी होईल आणि मतमोजणी 4 मे रोजी जाहीर होईल. बारामतीत अजित पवार यांची पत्नी सुनेत्री पवार निवडणूक लढवणार असल्याची शक्यता जास्त आहे, त्यामुळे विरोधी पक्षातून उमेदवार न देता निवडणूक बिनविरोध होऊ शकते. राहुरीतही भाजपकडून निवडणूक बिनविरोध करण्याचा प्रयत्न केला जाऊ शकतो. केंद्रीय निवडणूक आयोगाने या सर्व निवडणुका सुरक्षित आणि पारदर्शक पद्धतीने पार पडण्यासाठी तयारी पूर्ण असल्याचे सांगितले आहे.