LPG Shortage

इराण-इस्रायल आणि अमेरिकेच्या युद्धामुळे तेल आणि इंधनाची टंचाई निर्माण झाली आहे. आखाती देशातून तेल आणि इंधनचा पुरवठाच बंद झाल्याने त्याची झळ जगातील अनेक देशांना पोहोचली आहे. भारतालाही त्याचा फटका बसला आहे. त्यामुळे भारतात एलपीजी गॅस पासून ते पेट्रोल आणि डिझेलच्या पुरवठ्यावर परिणाम झाला आहे. घरगुती गॅस खरेदी करण्यासाठी भारतातील मोठ्या शहरांपासून छोट्या गावांपर्यंत सर्वच ठिकाणी ग्राहकांच्या रांगाच रांगा लागल्या आहेत. तर व्यावसायिक गॅसचा पुरवठा बंद करण्यात आल्याने अनेक हॉटेल्स बंद झाल्या आहेत. काही हॉटेल मालकांनी चुलीवर पदार्थ शिजवण्यास सुरुवात केली आहे. युद्ध किती दिवस चालू राहिल हे सांगता येत नसल्याने घरगुती गॅस सिलेंडरचा काळाबाजार होण्याची शक्यता असल्याने हा प्रकार रोखण्यासाठी महाराष्ट्रात तर भरारी पथकांनी धाडी मारण्यास सुरुवात केली आहे.