Padli Election Results 2026 : विश्वास पाटलांचे पुत्र सचिन पाटलांचा पराभव

पाडळी खुर्द गटातून विश्वास पाटलांचे पुत्र सचिन पाटलांचा पराभव झाल्याचे जिल्हा परिषद निवडणूक निकालातून समोर आले आहे. कोल्हापूर-गोकुळचे माजी चेअरमन विश्वास पाटलांच्या मुलाचा हा पराभव राजकीय वर्तुळात चर्चेचा विषय ठरला आहे. या निवडणुकीनंतर गोकुळ दूध संघाच्या निवडणुका जाहीर होतील, त्यामुळे जिल्हा परिषदेची ही निवडणूक अत्यंत महत्त्वाची मानली जात होती.

कोल्हापूरमधील आकडेवारीनुसार, काँग्रेसने १३ जागांसह सर्वाधिक यश मिळवले आहे. भाजपला ८ जागा मिळाल्या आहेत, तर शिंदेंच्या शिवसेनेने ३ जागांवर विजय मिळवला. दादांच्या राष्ट्रवादीला (अजित पवार गट) १ जागेवर समाधान मानावे लागले. याउलट, शरद पवारांच्या राष्ट्रवादीला आणि ठाकरेंच्या शिवसेनेला खातेही उघडता आलेले नाही, तर काँग्रेसला १३ जागांवर विजय मिळाला आहे. कोल्हापुरात सर्वच पक्षांनी स्वतंत्र निवडणूक लढवली होती.