Ajit Pawar Passes Away : अपघातात अजित पवार यांचा मृत्यू, रूपाली ठोंबरेंना अश्रु अनावर

महाराष्ट्राचे उपमुख्यमंत्री अजित पवार यांचे विमान अपघातात निधन झाल्याने राज्यावर शोककळा पसरली आहे. बारामती येथील वैद्यकीय महाविद्यालयाच्या परिसरात कार्यकर्त्यांकडून “अजित पवार अमर रहे” च्या घोषणा दिल्या जात आहेत. या भीषण अपघाताचे सीसीटीव्ही फुटेज समोर आले असून, विमान कोसळल्यानंतर मोठा स्फोट झाल्याचे आणि इंधन टाकीने पेट घेतल्याचे दिसत आहे.

या दुःखद घटनेनंतर शरद पवार, सुप्रिया सुळे आणि सुनेत्रा पवार यांच्यासह संपूर्ण पवार कुटुंबीय बारामतीमध्ये दाखल झाले आहे. दादांच्या पार्थिवावर उद्या शारदा प्रांगणामध्ये अंत्यसंस्कार केले जाणार आहेत. या अपघाताने महाराष्ट्राने एक उमदे व्यक्तिमत्व आणि कणखर नेतृत्व गमावले आहे. कार्यकर्त्यांनी व्यक्त केले की दादांसोबत कालच महापालिकेच्या विरोधी पक्षनेत्याच्या नियुक्तीबाबत चर्चा झाली होती. त्यांच्या जाण्याने महाराष्ट्राचे अपरिमित नुकसान झाले असून, ही कधीही भरून न निघणारी पोकळी निर्माण झाली आहे.