Raj Thackeray Post On Ajit Pawar Death : अजित पवारांच्या मृत्यूनंतर राज ठाकरेंची भावनिक पोस्ट!

मनसे अध्यक्ष राज ठाकरे यांनी महाराष्ट्राचे उपमुख्यमंत्री अजित पवार यांच्या अकाली निधनानंतर एक भावनिक पोस्ट करत श्रद्धांजली वाहिली आहे. आपल्या पोस्टमध्ये राज ठाकरे यांनी अजित पवारांना माझे मित्र संबोधले असून, महाराष्ट्राने एक उमदा नेता गमावला अशी भावना व्यक्त केली.

राज ठाकरे यांनी राजकारणातील विरोध हा राजकीय असतो, वैयक्तिक नाही या मुद्द्यावर विशेष भर दिला. त्यांनी नमूद केले की, एकमेकांवरील टीका ही वैयक्तिक घेऊ नये. अजित पवार हे पवार साहेबांच्या मुशीत तयार झाले असले तरी त्यांनी स्वतःची स्वतंत्र ओळख निर्माण केली. त्यांचे प्रशासनावरील अचूक पकड, त्यांची स्पष्टवक्तेपणाची शैली आणि जातीयवादापासून दूर राहणारे त्यांचे राजकारण या गुणांचे राज ठाकरे यांनी कौतुक केले. पिंपरी-चिंचवड आणि बारामतीसारख्या भागांच्या विकासातील अजित पवारांचे योगदान विरोधकांनाही मान्य आहे, असे ते म्हणाले. राज ठाकरे यांनी पवार कुटुंबीयांच्या दुःखात सहभागी असल्याची भावना व्यक्त करत महाराष्ट्र नवनिर्माण सेनेतर्फे अजित पवारांना भावपूर्ण श्रद्धांजली अर्पण केली.