FIR दाखल झालाय, लवकरच..; पार्थ पवार प्रकरणी अजितदादा स्पष्टच बोलले

अजित पवारांनी पत्रकार परिषदेत पार्थ पवार प्रकरणावर आपली भूमिका स्पष्ट केली. या प्रकरणात एफआयआर दाखल झाला असून चौकशी सुरू झाली असल्याचे त्यांनी सांगितले. मुख्यमंत्री महोदयांनी या चौकशीसाठी एक महिन्याची मुदत दिली आहे आणि त्यानंतर वस्तुस्थिती जनतेसमोर येईल, असा विश्वास त्यांनी व्यक्त केला.

अजित पवार यांनी एका रुपयाचाही व्यवहार न होता केवळ आकडे लिहून कागद कसा तयार होऊ शकतो, यावर आश्चर्य व्यक्त केले. निवडणुका जवळ आल्या की असे आरोप केले जातात, असा अनुभव त्यांनी सांगितला. २००८-०९ मध्ये ७० हजार कोटींच्या आरोपांचे उदाहरण देत त्यांनी अशा निराधार आरोपांमुळे बदनामी होत असल्याचे म्हटले. त्यांनी आपल्या राजकीय कारकिर्दीत कोणतेही चुकीचे काम होऊ दिले नसल्याचे स्पष्ट केले. तसेच, आपल्या नावाचा वापर करून कोणीही, अगदी जवळचे नातेवाईक किंवा अधिकारी असले तरी, नियमाबाहेरचे काम करू नये, असे आवाहन त्यांनी सर्व अधिकाऱ्यांना केले. अधिकाऱ्यांनी कोणत्याही दबावाला बळी पडू नये, असा स्पष्ट इशाराही त्यांनी दिला.