आम्ही जिवंत असेपर्यंत दादांच्या…; अमोल मिटकरींचं मोठं वक्तव्य

आमदार अमोल मिटकरी यांनी अजितदादांच्या विमान अपघातासंदर्भात गंभीर प्रश्न उपस्थित केले असून, त्यामागे घातपाताचा संशय व्यक्त केला आहे. मरीन ड्राईव्ह पोलीस ठाण्यात एफआयआर नोंदवण्यास नकार मिळाल्यानंतर मिटकरी यांनी पोलीस अधिकाऱ्यांच्या वर्तनावर तीव्र नाराजी व्यक्त केली.

त्यांच्या माहितीनुसार, चार आमदारांसह (अमोल मिटकरी, संदीप क्षीरसागर, इद्रिस नाईकवडी) रोहित पवार यांच्या कायदेशीर सल्लागार टीमने एफआयआरसाठी संपर्क साधला होता. वरिष्ठ अधिकाऱ्यांच्या हस्तक्षेपानंतर एफआयआर घेण्यास नकार देण्यात आला, अशी त्यांची तक्रार आहे. ही घटना बारामतीतील गोजुबावी माळरानावर घडल्याने आमदार रोहित पवार यांनी बारामती पोलीस ठाण्यात एफआयआर दाखल करण्यासाठी प्रयत्न सुरू केले आहेत. मिटकरी यांनी या प्रकरणी पोलीस अधिकाऱ्यांविरोधात हक्कभंग प्रस्ताव आणण्याचा इशारा दिला आहे, जोपर्यंत या प्रकरणाचे सत्य समोर येत नाही, तोपर्यंत ते प्रश्न विचारत राहतील, असे त्यांनी स्पष्ट केले आहे.