Voter List Controversy: बाब्बो.. हा तर लई मोठा स्कॅम! मतदार यादीतून मतदारांची नावं नाहीतर अख्खी गावंच गायब, ‘या’ जिल्ह्यात खळबळ

अमरावती जिल्ह्यातील अंजनगाव सुर्जी तालुक्यातून अनेक गावं मतदार यादीतून गायब झाल्याची धक्कादायक बाब समोर आली आहे. निवडणूक विभागाने प्रसिद्ध केलेल्या मतदार यादीत या गावांचा समावेश नसल्याचे दिसून आले आहे. माजी सभापती शशिकांत मंगळे यांनी यासंदर्भात गंभीर आरोप केले आहेत. त्यांच्या मते, निवडणुकीसाठी अत्यंत महत्त्वाच्या असलेल्या मतदार यादीत ही गावं नसल्यामुळे अनेक प्रश्न निर्माण झाले आहेत.

शशिकांत मंगळे यांनी ही बाब गांभीर्याने घेत जिल्हाधिकाऱ्यांकडे या संदर्भात अधिकृत तक्रार दाखल केली आहे. त्यांनी जिल्हाधिकाऱ्यांकडे तातडीने चौकशी करून मतदार यादीतील ही त्रुटी दूर करण्याची आणि गायब झालेल्या गावांचा पुन्हा समावेश करण्याची मागणी केली आहे. या घटनेमुळे स्थानिक राजकीय वर्तुळात तसेच सामान्य जनतेमध्येही चर्चेला उधाण आले आहे.

महाराष्ट्रातील राजकारणात अशा प्रकारच्या मतदार यादीतील अनियमितता हा एक संवेदनशील विषय मानला जातो, विशेषतः आगामी निवडणुकांच्या पार्श्वभूमीवर हे प्रकरण महत्त्वाचे ठरले आहे. या प्रकरणावर प्रशासनाकडून कोणती कार्यवाही केली जाते, याकडे सर्वांचे लक्ष लागले आहे.