राहुल गांधी यांना अंदमानची तिकीटं कुणी आणि का पाठवली?; पाहा…

पुणे : काँग्रेस नेते राहुल गांधी यांनी सावरकरांबाबत वक्तव्य केलं अन् त्यांच्या या वक्तव्यावर टीका होऊ लागली. सावकरकर प्रेमींनी त्यांच्या या वक्तव्याचा निषेध केला. हिंदू महासंघाच्या वतीनेही या वक्तव्यावर आक्षेप घेण्यात आला आहे. तसंच आक्रमक प्रतिक्रियाही देण्यात आली आहे. राहुल गांधी यांना सावरकरांचा त्याग माहिती नाही. त्यामुळे ते अशी वक्तव्य करत आहेत. त्यांनी अभ्यास करावा, असं म्हणण्यात आलं आहे. हिंदू महासंघाच्या वतीने राहुल गांधींना अंदमानची तिकीटं पाठवण्यात आली आहेत. राहुल गांधींनी एक दिवस तरी कोठडीत राहावं. तेव्हा राहुल गांधी यांना सावरकरांचा त्याग कळेल, असं हिंदू महासंघाचे अध्यक्ष आनंद दवे म्हणाले आहेत.