Anil Parab : ठाकरे बंधूंची युती कधी होणार? काँग्रेस सोबत असणार? राज ठाकरेंच्या भेटीनंतर परबांनी स्पष्टच सांगितलं…

उबाठा शिवसेना नेते अनिल परब यांनी नुकत्याच दिलेल्या निवेदनात ठाकरे बंधूंमधील संभाव्य युती आणि आगामी निवडणुकांवर भाष्य केले. युतीची अधिकृत घोषणा कधी करायची, याचा निर्णय दोन्ही पक्षांचे नेते लवकरच घेतील, असे परब यांनी स्पष्ट केले. जागा वाटप किंवा कोणताही फॉर्म्युला अद्याप अंतिम झालेला नाही, चर्चा अंतिम टप्प्यात आल्यावर पत्रकार परिषद घेऊन तपशील जाहीर केला जाईल, असेही त्यांनी सांगितले. महाविकास आघाडीच्या भवितव्याबद्दल बोलताना, आम्ही आजही महाविकास आघाडीमध्ये असून ती अभेद्य राहावी अशी आमची शेवटपर्यंत इच्छा आहे, असे परब यांनी नमूद केले. वर्षा गायकवाड यांच्या विधानावर टिप्पणी करताना, ती त्यांची वैयक्तिक भूमिका असल्याचे परब म्हणाले. काँग्रेसच्या भूमिकेवर आमचे नेते निर्णय घेतील, असेही त्यांनी स्पष्ट केले. एकनाथ शिंदे यांच्या कथित जागा वाटप मागणीवर परब यांनी भाजपला उत्तर देण्यास सांगितले.