Ashish Shelar : भगव्याशी गद्दारी करणाऱ्यांचे थर कोसळायला लागलेत, आशिष शेलारांची शिवसेनेवर टीका

मुंबई : आमदार आशिष शेलार (Ashish Shelar) यांनी पुन्हा एकदा शिवसेनेवर (Shivsena) टीका केली आहे. ते म्हणाले की, ”ज्या वरळीत सेनेच्या (?) खासदार, आमदार (MLA), माजी मंत्री, माजी महापौर आणि नगरसेवक असे नेत्यांचे थरावर थर आहेत, तिथे म्हणे पक्षाला द्यायच्या 100 रूपयांच्या शपथपत्राला “बळ” अपुरे पडतेय. दुसरीकडे भाजपाची जांबोरी मैदानातील दहिहंडी मुंबईकरांच्या प्रचंड प्रतिसादाने लक्षवेधी ठरतेय. भाजपाच्या मतांवर निवडून यायचे आणि उगाच आमचा गड. आमचा गड म्हणून मिरवायचे. आता बघा कसे सगळे गडगडायला लागलेय. भगव्याशी गद्दारी करणाऱ्यांचे थर कोसळायला लागलेत. लवकरच. मुंबईकरच वरळीतून कोसळणाऱ्या थरांचा थरार निवडणूकीत “करुन दाखवतील” आमचं ठरलंय!!,’ असं ट्विट शेलार यांनी केलं होतं. यामुळे नवा वाद पेटला असून यावर शिवसेनेकडून देखील टीक करण्यात आली आहे.