अहिल्यादेवी होळकर यांची 298 वी जयंती, चौंडीत बॅनरबाजीवरून राजकारण तापले

अहमदनगर : पुण्यश्लोक अहिल्यादेवी होळकर यांच्या जयंतीनिमित्त चौंडीत विविध कार्यक्रमांचे आयोजन करण्यात आले आहे. मात्र जयंतीच्या पूर्वसंध्येला बॅनरबाजीवरून राजकारण तापले. भाजप आमदार राम शिंदे यांच्याकडून प्रशासकीय जयंतीची जोरदार तयारी करण्यात आली आहे, तर राष्ट्रवादी काँग्रेसचे आमदार रोहित पवार यांच्याकडून शिंदे-फडणवीस यांच्या बॅनरच्या माध्यमातून स्वागत करण्यात आलं आहे. भाजपचे आमदार राम शिंदे आणि राष्ट्रवादीचे आमदार रोहित पवार यांचे बॅनर युद्ध रंगले. राज्याचे मुख्यमंत्री उपमुख्यमंत्री केंद्रीय मंत्री यांसह अनेक नेत्यांची चौंडीला उपस्थित राहणार आहेत.