विरोधकांना शिमगा करू द्या, आमचा भगवा…; भरत गोगावलेंचं मोठं विधान

शिवसेनेचे कॅबिनेट मंत्री भरत गोगावले यांनी महाराष्ट्राच्या अर्थसंकल्पीय अधिवेशनादरम्यान विरोधकांच्या टीकेला प्रत्युत्तर दिले. विरोधकांनी त्यांचा शिमगा किंवा होळी करू द्या, पण आमचा भगवा रंग पक्का आहे, असे त्यांनी ठामपणे सांगितले. महाराष्ट्रातील तमाम जनतेला, तसेच विरोधकांनाही त्यांनी होळीच्या शुभेच्छा दिल्या.

गोगावले यांनी ठाकरेंच्या शिवसेनेच्या भगव्या रंगाच्या दाव्यावरही भाष्य केले. “त्यांना विचारा, आमचा भगवा पक्का आहे,” असे त्यांनी म्हटले. महानगरपालिका, नगरपालिका, नगरपंचायती आणि जिल्हा परिषदेच्या निवडणुकांमध्ये जनतेने कोणाचा भगवा खरा आहे हे दाखवून दिले आहे, असे त्यांनी सांगितले. अजित पवार प्रकरणावर बोलताना त्यांनी अपघात झाल्याचे मान्य केले आणि रोहित पवार यांच्या मागणीला मुख्यमंत्री  उत्तर देतील असे स्पष्ट केले. उद्धव ठाकरेंच्या मुंबई महापौर पदाच्या दाव्यालाही त्यांनी पाच वर्षांनी काय घडामोडी होतील, यावर कोणीही भाष्य करू शकत नाही, असे सांगत प्रत्युत्तर दिले.