राजकीय उलथापालथ होणार? भेंडवळच्या घट मांडणीचे भाकीत जाहीर; बघा काय होणार अनपेक्षित घटना

बुलढाणा : बुलढाणा जिल्ह्यातील प्रसिद्ध भेंडवळच्या घट मांडणीचे भाकीते आज जाहीर झाली आहेत. सकाळी सहा वाजता सूर्योदयाच्या वेळी चंद्रभान महाराजांचे वंशज पुंजाजी महाराज आणि सारंगधर महाराज यांनी या घट मांडणीचे निरीक्षण करून यंदाची भेंडवळची भविष्यवाणी जाहीर केली आहे. यंदा महत्त्वाचा मानल्या जाणारा पिक पावसाची परिस्थिती मध्ये पाऊस जून महिन्यामध्ये कमी असेल. जुलैमध्ये साधारण तर ऑगस्टमध्ये प्रचंड पाऊस असून अतिवृष्टीचं भाकीत वर्तवण्यात आले आहे. तर सप्टेंबर महिन्यात पाऊस कमी असेल मात्र अवकाळीचा फटका शेतकऱ्यांना बसणार आहे. पिकाबाबत केलेल्या भाकितांमध्ये गहू, ज्वारी, तांदूळ आणि इतर पिके सर्वसाधारण मोघम स्वरूपाचे पीक सांगण्यात आली आहे. मात्र उत्पन्न चांगलं असलं तरी अवकाळीने या पिकांना फटका बसणार असल्याचे भाकीत यंदाच्या घट मांडणीमध्ये वर्तवण्यात आल आहे. राजकीय परिस्थितीवरही यंदा भाकीत करण्यात आले आहे. यामध्ये देशाचा राजा कायम असणार म्हणजेच पंतप्रधान कायम असेल असं भाकीत वर्तवण्यात आल आहे. मात्र पारावरच्या घट मांडणीत पहिल्यांदाच विंचू निघाल्याने देशात रोगराईची परिस्थिती असणार असे भाकीत यंदा वर्तवण्यात आलं आहे.