Gautam Patil : ZP शाळेच्या मैदानावर गौतमी पाटीलचा डान्स, कार्यक्रमाआधीच लाठीचार्ज, हिंगोलीत काय घडलं?

हिंगोली शहरात प्रसिद्ध नृत्यांगना गौतमी पाटीलच्या नृत्याच्या कार्यक्रमाआधी पोलिसांनी सौम्य लाठीचार्ज केल्याची घटना समोर आली आहे. हिंगोलीतील जिल्हा परिषद शाळेच्या मैदानात या कार्यक्रमाचे आयोजन करण्यात आले होते. कार्यक्रमासाठी जमलेल्या प्रचंड गर्दीला नियंत्रणात आणण्यासाठी पोलिसांना ही कारवाई करावी लागली. शिंदे यांच्या युवासेनेचे जिल्हाप्रमुख राम कदम यांच्या वतीने या मनोरंजक कार्यक्रमाचे आयोजन करण्यात आले होते. कार्यक्रमाच्या ठिकाणी आमदार संतोष बांगर यांचे मोठे पोस्टर लावण्यात आले होते, ज्यामुळे त्यांच्या उपस्थितीची अपेक्षा होती. मात्र, बांगर यांनी या कार्यक्रमाकडे पाठ फिरवल्याचे दिसून आले.

कार्यक्रमाच्या सुरुवातीलाच झालेल्या या लाठीचार्जमुळे काही काळ तणाव निर्माण झाला होता, परंतु त्यानंतर परिस्थिती नियंत्रणात आणण्यात आली. या घटनेमुळे गौतमी पाटीलच्या कार्यक्रमांवर होणाऱ्या गर्दीचे आणि त्यातून निर्माण होणाऱ्या आव्हानांचे चित्र पुन्हा एकदा समोर आले आहे.