Mumbai | दादर फुल मार्केटमध्ये तुफान गर्दी, सोशल डिस्टन्सिंगचा फज्जा

आजपासून पुढचे दहा दिवस गणेशोत्सवाची धूम असणार आहे. पण या गणेशोत्सवावर कोरोनाचं सावट आहे. अशावेळी शासनाने घालून दिलेले कोरोनाचे सगळे नियम पाळून राज्यातील नागरिकांना गणेशोत्सव साजरा करावा लागणार आहे. पण लोकांनी नियमांकडे साफ दुर्लक्ष केल्याचं दिसतंय. पहाटे पाच पासून नागरिकांनी दादर फुल मार्केटमध्ये खरेदीसाठी मोठी गर्दी केली. अनेक लोकांनी मास्क लावलेला नाहीये. तर नागरिक सोशल डिस्टन्सिंगचं देखील पालन करत नाही.

आपल्या लाडक्या बाप्पाला आणण्यासाठी लोक घरातून निघाले आहेत पण कोविड प्रोटोकॉलचं पालन होताना दिसत नाहीय. विना मास्क संख्या जास्त आहे. एकंदरितच सार्वजनिक ठिकाणी कोव्हिड नियमांचं कोणतंही पालन होताना दिसत नाही.