भविष्यात राज्याचे मुख्यमंत्री देवेंद्र फडणवीस असायला हवेत, चंद्रशेखर बावनकुळे यांचं मोठं विधान

भारतीय जनता पक्षाचे प्रदेशाध्यक्ष चंद्रशेखर बावनकुळे आज नाशिकमध्ये होते. त्यांनी यावेळी मोठं विधान केलं. ते म्हणाले,देवेंद्र फडणवीस यांच्यासारखा लोकनेता राज्यात आहे. देवेंद्र फडणवीस हेच यापुढे राज्याचे मुख्यमंत्री राहिले पाहिजे. समाजाच्या शेवटच्या व्यक्तीपर्यंत दिवा लावणे हा आमचा हेतू आहे. मी पुढच्या दोन महिन्यात सगळ्या जिल्ह्यांमध्ये प्रवास करणार आहे. रामदास तडस यांनी शरद पवार यांच्या सिस्टीमला (कुस्ती संघटना) हरवलं आहे. कुस्तीगीर परिषदेच्या माध्यमातून चांगले काम होईल. ज्या भूमीत आपण जन्म घेतला त्या भूमीचे ऋण फेडणे आपले कर्तव्य आहे, असंही त्यांनी सांगितलं.