Dharashiv | धारशिवमध्ये तुफान राडा; जोरदार हाणामारी, गाड्या फोडल्या, बड्या नेत्याचे समर्थक थेट… Video व्हायरल

धाराशिवमध्ये तानाजी सावंत यांच्या गटातील कार्यकर्ते आणि राष्ट्रवादी काँग्रेस समर्थक आमनेसामने आल्याने राजकीय वातावरण चांगलेच तापले आहे. दोन गटांमध्ये झालेल्या वादानंतर काही वाहनांची तोडफोड करण्यात आल्याची माहिती समोर आली आहे. या घटनेमुळे परिसरात काही काळ तणावाचे वातावरण निर्माण झाले.

मिळालेल्या माहितीनुसार, धाराशिवमध्ये दोन गटांमध्ये भांडण झाले. या वादाचे रुपांतर धक्काबुक्की आणि वाहनांच्या तोडफोडीत झाल्याचे सांगितले जात आहे. घटनेची माहिती मिळताच पोलिसांनी तातडीने घटनास्थळी धाव घेतली. परिस्थिती नियंत्रणात ठेवण्यासाठी परिसरात अतिरिक्त पोलिसांचा बंदोबस्त तैनात करण्यात आला आहे.

या घटनेनंतर तानाजी सावंत यांच्या गटातील कार्यकर्ते आणि राष्ट्रवादी काँग्रेस समर्थकांमध्ये पुन्हा वाद वाढण्याची शक्यता व्यक्त केली जात आहे. पोलिसांकडून परिस्थितीवर बारकाईने लक्ष ठेवले जात असून, कोणताही अनुचित प्रकार घडू नये यासाठी खबरदारी घेतली जात आहे.

दरम्यान, वाहनांची तोडफोड नेमकी कोणत्या कारणातून झाली आणि या घटनेमागे नेमके कोण होते, याबाबत पोलिसांकडून अधिक माहिती घेतली जात आहे. त्यामुळे पुढील कारवाईकडे सर्वांचे लक्ष लागले आहे.