Shivsena : महायुतीत नवी राजकीय समीकरणं? पालघरमध्ये शिंदे सेनेची स्वबळाची तयारी; योगेश कदमांनी दिले संकेत

आगामी पालघर जिल्हा परिषद निवडणूक 2026 मध्ये शिंदे सेना स्वबळावर लढण्याच्या तयारीत असल्याची जोरदार चर्चा सुरू झाली आहे. या संदर्भात डहाणू येथे झालेल्या एका संवाद मेळाव्यात शिंदे सेनेचे नेते योगेश कदम यांनी महत्त्वपूर्ण निर्देश दिले आहेत. त्यांनी पक्षाच्या पदाधिकारी आणि कार्यकर्त्यांना आगामी निवडणुका स्वबळावर लढण्यासंदर्भात तयारी करण्याच्या सूचना दिल्या आहेत.

या निर्देशामुळे पालघर जिल्ह्यातील स्थानिक राजकारणात नव्या समीकरणांची शक्यता वर्तवली जात आहे. शिंदे सेनेच्या या भूमिकेमुळे आघाडीतील इतर मित्रपक्षांवर काय परिणाम होतो, हे पाहणे महत्त्वाचे ठरणार आहे.

पुढील रणनीती ठरवण्यासाठी दिवाळीनंतर जिल्हा परिषद गटनिहाय आढावा बैठकांचे आयोजन करण्यात येणार आहे. या बैठकांमध्ये प्रत्येक गटातील राजकीय परिस्थिती, पक्षाची ताकद आणि विरोधकांची स्थिती यावर सखोल चर्चा केली जाईल. योगेश कदम यांच्या या भूमिकेने पालघर जिल्हा परिषदेच्या राजकारणात सध्या तरी उत्सुकता वाढवली आहे.