मतदार नोंदणीबाबत मोठी बातमी! Form 6 ची जुनी ऑनलाइन प्रक्रिया पुन्हा सुरू; अतिरिक्त…

निवडणूक आयोगाने मतदार नोंदणी संदर्भात एक महत्त्वपूर्ण निर्णय घेतला आहे. आता फॉर्म 6 ची जुनी ऑनलाईन प्रक्रिया पुन्हा सुरू करण्यात आली आहे. या निर्णयामुळे, मतदार नोंदणीसाठी आवश्यक असलेले घोषणापत्र फॉर्म 6 सोबत सादर करणे अनिवार्य राहणार नाही. विशेषतः एसआर प्रक्रिया लागू नसलेल्या राज्यांमधील नवीन मतदारांना आता पूर्वीप्रमाणे ऑनलाईन पद्धतीने नोंदणी करता येणार आहे.

या बदलामुळे ईसीआय नेट पोर्टलवरून देखील घोषणापत्र हटवण्यात आले आहे. हा निर्णय अशा वेळी आला आहे, जेव्हा विरोधी पक्षांकडून फॉर्म 6 च्या अनिवार्यतेबद्दल प्रश्न उपस्थित केले जात होते. या निर्णयामुळे विरोधकांच्या मागणीला काही प्रमाणात यश मिळाल्याचे मानले जात आहे. मात्र, हा निर्णय अशा राज्यांना लागू होईल, जिथे एसआर प्रक्रिया अद्याप पूर्ण झालेली नाही. त्यामुळे हा बदल किती राज्यांना प्रभावी ठरेल, हे पाहणे महत्त्वाचे ठरेल.