‘तीन इंजिनच्या सरकारमध्ये कुरगुडी मोठ्या प्रमाणात’; राष्ट्रवादी नेत्याचं मंत्रिमंडळ विस्तारावर सरकारवर टीकास्त्र

जळगाव, 12 ऑगस्ट 2023 | सध्या राज्यात यावेळी देखील ध्वजारोहणावरून वाद होताना दिसत आहे. तर शिंदे-फडणवीस-पवार सरकारमध्ये कुरबूरी होत आहे अशी चर्चा रंगली आहे. यावरून तर पालकमंत्री नियुक्तीवरून नाराजी असल्याचेही दिसत आहे. यावरून यावरून राष्ट्रवादी काँग्रेस शरद पवार गटाचे नेते आमदार एकनाथ खडसे यांनी सरकारवर टीका केली आहे. खडसे यांनी, या तीन इंजिनच्या सरकारमध्ये आपसात अनेक भानगडी आहेत. तर शिंदे फडणवीस या दोघांचा जमत नव्हतं. पण आता राष्ट्रवादी सत्तेत आल्यामुळे सत्तेची वाटणी झाली आहे. त्यामुळे तीन इंजिनच्या सरकारमध्ये कुरगुडी मोठ्या प्रमाणात होतील. म्हणूनच तिसरा मंत्रि मंडळ विस्तार रखडल्याची टीका त्यांनी केली आहे.