Ganesh Chaturthi 2021 | गणेश चतुर्थी | tv9 च्या न्यूजरुममध्ये लाडक्या बाप्पाचं आगमन

कोरोना संकटाच्या पार्श्वभूमीवर यंदाही गणेशोत्सव साधेपणाने साजरा करण्याचं आवाहन राज्य सरकारकडून करण्यात आलं आहे. या पार्श्वभूमीवर राज्यभरात गणेशाचं आगमन अगदी साध्या पद्धतीनं करण्यात येत आहे. टीव्ही 9 मराठीच्या न्यूजरुममध्येही आज गणरायाचं आगमन झालं. यावेळी गणपती बाप्पा मोरया… मंगलमूर्ती मोरयाच्या गजराने न्यूजरुम दुमदुमून निघाली. कोरोनामुळे अनेक कर्मचारी वर्क फ्रॉम होम करत असल्यामुळे मोजक्या कर्मचाऱ्यांच्या उपस्थितीत पारंपरिक पद्धतीनं विधिवत गणपतीची प्रतिष्ठापना करण्यात आली. लाडक्या बाप्पाच्या आगमनामुळे न्यूजरुममधील वातावरण आनंददायी बनलं आहे. टीव्ही 9 मराठीच्या विविध विभागांमार्फत रोज गणरायाची आरती केली जाते. त्यावेळी पेढे, मोदक आणि अन्य मिठाईचा प्रसाद दाखवला जातो. गणपती विसर्जनापर्यंत टीव्ही 9 मराठीच्या न्यूजरुमधील वातावरण अगदी चैतन्यदायी असतं.