Gauri Garje Case : तिच्या मानेवर खुणा.. ती आत्महत्या करूच शकत नाही, गौरी गर्जेच्या वडिलांच्या गंभीर आरोपानं खळबळ

गौरी गर्जे प्रकरणात तिच्या वडिलांनी गंभीर आरोप करत ही आत्महत्या नसून हत्या असल्याचा दावा केला आहे. त्यांनी दिलेल्या माहितीनुसार, गौरीच्या शरीरावर मारहाणीच्या खुणा आढळल्या आहेत, ज्या हँगिंगने झालेल्या मृत्यूशी जुळत नाहीत. नातेवाईक येण्यापूर्वीच पंचनामा करण्याची घाई का करण्यात आली, असा प्रश्न त्यांनी उपस्थित केला आहे. मुलीला वाचवण्यासाठी गेलेला व्यक्ती एकटाच का गेला, तसेच इतर दोघे कोण होते, यावरही त्यांनी संशय व्यक्त केला आहे. गौरीच्या वडिलांनी अनंत गर्जे याच्या गायब होण्यावरही प्रश्नचिन्ह उपस्थित केले आहे, “जर गुन्हा केला नसेल, तर अनंत गर्जे गायब का झाला?” असा सवाल त्यांनी केला आहे.

२०१२ मध्ये अनंत गर्जेचे एका मुलीसोबत अबॉर्शन झाल्याचे कागदपत्र गौरीला मिळाले होते, ज्यामुळे तिला छळण्यात येत होते. वडिलांनी पंकजा मुंडे यांच्याशी चर्चा केली असून, निष्पक्ष चौकशीचे आश्वासन मिळाल्याचे सांगितले. सध्याच्या तपासावर असमाधान व्यक्त करत त्यांनी तीन जणांची नावे दिली असून, योग्य न्याय मिळावा अशी मागणी केली आहे.