Girish Mahajan : असे हे पक्षाचे नेते! ठाकरेंची सेना फोडण्याचं श्रेय संजय राऊत यांनाच.. गिरीश महाजन यांचा हल्लाबोल

स्थनिक स्वराज्य संस्था निवडणुका 2025 च्या पार्श्वभूमीवर भाजप नेते गिरीश महाजन यांनी राज्यातील राजकीय स्थितीवर महत्त्वपूर्ण भाष्य केले आहे. गिरीश महाजन यांनी महायुती प्रचंड बहुमताने विजयी होईल आणि भाजप नंबर एकचा पक्ष ठरेल असा विश्वास व्यक्त केला. आमची सदस्य संख्या 2000 च्या वर जाईल असा दावा त्यांनी केला.

गिरीश महाजन यांनी संजय राऊत यांच्यावर थेट निशाणा साधला. शिवसेना फुटीचे खरे श्रेय संजय राऊत यांनाच जाते, असे ते म्हणाले. राऊत स्वतःचा पक्ष सांभाळू शकले नाहीत आणि त्यांच्यामुळेच 45 आमदार पक्ष सोडून गेले, असा आरोप गिरीश महाजन यांनी केला. महाविकास आघाडी स्थानिक स्वराज्य संस्था निवडणुकीत कुठेही दिसणार नाही, अशी शक्यता त्यांनी वर्तवली. नाशिकच्या पालकमंत्री पदाबद्दल अजित पवार यांच्या विधानावर महाजन यांनी प्रतिक्रिया दिली. तसेच, रवींद्र चव्हाण यांच्या दोन तारखेपर्यंत संयम या वक्तव्याचा संदर्भ स्पष्ट केला. रोहित पवार यांनी केलेल्या आरोपांनाही महाजन यांनी प्रत्युत्तर दिले.