संजय राऊत म्हणजे पिसाळलेला माणूस; भाजपच्या ‘या’ आमदाराचं वक्तव्य

मुंबई : भाजपचे आमदार गोपीचंद पडळकर यांनी ठाकरेगटाचे नेते खासदार संजय राऊत यांच्यावर टीका केलीय. संजय राऊत म्हणजे पिसाळलेला माणूस आहे. अख्ख्या शिवसेनेची राखरांगोळी केल्यानंतरही संजय राऊतांचं समाधान नाही! संजय राऊत यांना नेमकं काय साध्य करायचं आहे? वारंवार खालच्या पातळीची विधानं करत आहेत. आज त्यांनी विधिमंडळाचा अपमान केला. हे योग्य नाही. जनता योग्यवेळी त्यांना उत्तर देईल, असं गोपीचंद पडळकर म्हणालेत. संजय राऊत यांच्या “एकनाथ शिंदे यांची शिवसेना ही बनावट शिवसेना आहे. ते ड्युप्लिकेट चोरमंडळ आहे. विधीमंडळ नाही. हे चोरमंडळ आहे”, या वक्तव्यावर आक्षेप घेण्यात आला आहे.