Gopinath Munde Legacy: गोपीनाथ मुंडेंच्या वारसाचा वाद… भुजबळांनी पेटवली वात; करुणा मुंडेंवर महाजनांचा घणाघात
बीडमधील सभेत छगन भुजबळांनी गोपीनाथ मुंडेंच्या वारसाचा मुद्दा उपस्थित केला. करुणा मुंडेंनी धनंजय मुंडेंना वारसदार म्हटले, तर पंकजा मुंडेंचे मामा प्रकाश महाजनांनी भुजबळ आणि करुणा मुंडेंवर जोरदार टीका केली. मनोज जरांगे पाटलांनीही या वादात उडी घेतली. या प्रकरणी भुजबळ आणि मुंडे भावंडांकडून अद्याप कोणतीही प्रतिक्रिया आलेली नाही.
बीड येथील एका सभेमध्ये छगन भुजबळांनी दिवंगत नेते गोपीनाथ मुंडेंच्या राजकीय वारसाचा मुद्दा उपस्थित केला. यानंतर करुणा मुंडेंनी धनंजय मुंडेंना गोपीनाथ मुंडेंचे राजकीय वारसदार असल्याचे म्हटले. मात्र, या वक्तव्यांमुळे राजकीय वर्तुळात नवा वाद सुरू झाला आहे. या प्रकरणी पंकजा मुंडेंचे मामा प्रकाश महाजन यांनी भुजबळ आणि करुणा मुंडेंवर कठोर शब्दांत टीका केली आहे.
महाजन यांनी फेसबुक पोस्टद्वारे म्हटले की, “स्वर्गीय मुंडे साहेबांचा वारस कोण ठरवतंय? एक भ्रष्टाचारी, जो कारागृहात महिने काढून आला आहे आणि दुसरी जी रोज उठून आपल्याच कुंकवाची अब्रू जगाच्या वेशीवर टांगते.” त्यांनी गोपीनाथ मुंडेंचा वारसा फक्त पंकजा मुंडेंचा असल्याचे ठामपणे सांगितले.
मनोज जरांगे पाटलांनीही या वादात उडी घेत भुजबळ आणि धनंजय मुंडेंवर निशाणा साधला. वारसा हा वंशपरंपरेचा असतो, असे जरांगे पाटील यांनी नमूद केले. या सगळ्या घडामोडींवर अद्याप छगन भुजबळ तसेच पंकजा मुंडे आणि धनंजय मुंडे यांनी कोणतीही प्रतिक्रिया दिलेली नाही. त्यांच्या प्रतिक्रियेकडे आता सर्वांचे लक्ष लागले आहे.
इंदू मिल स्मारकाबाबत CM फडणवीसांची मोठी घोषणा, थेट सांगितली डेडलाईन
तपोवन वृक्षतोडीविरोधात मनसे नाशिककरांच्या सोबतीला, चित्रपट सेना आक्रमक
फडणवीस सरकारच 1 वर्ष, मुख्यमंत्र्यांना किती मार्क? काय सांगतो सर्व्हे?
फोडाफोडीन नाराजी, वाक् युद्धानंतर आज शिंदे-रवींद्र चव्हाण एकाच मंचावर?
