एस.टी कष्टकरी जनसंघ या Gunratna Sadavarte यांच्या नव्या संघटनेची घोषणा

मुंबई : गेली पाच महिन्यात एसटी कर्मचाऱ्यांचं (St Worker) सर्वात मोठं आंदोलन झालं. शेवटी हा संप चिघळला. मात्र या आंदोलनादरम्यान एक नाव आधी चांगलेच चर्चेत आणि नंतर वादात राहिलं ते वकील गुणरत्न सदावर्ते (Gunratna Sadavarte) यांचं. सुरूवातील या एसटीच्या संपाची सुरूवात झाली त्यावेळी यांचं नेतृत्व हे भाजप आमदार गोपीचंद पडळकर यांनी आणि सदाभाऊ खोत यांनी केलं. मात्र नंतर या संपाचे नेतृत्व हे गुणरत्न सदावर्ते यांच्याकडे गेलं. गुणरत्न सदावर्ते हे एसटीच्या विलीनीकरणावर एसटी कामगारांसह ठाम राहिले. मात्र शेवटी कोर्टानेच एसटी कर्मचाऱ्यांना अल्टिमेटम देत कामार हजर राहण्याचे आदेश दिले. मात्र त्याचदरम्यानचं सदावर्तेंचं एक भाषण वादात सापडलं. शरद पवारांच्या (Sharad Pawar) घराबाहेर झालेलं एसटी कर्मचाऱ्यांचं आक्रमक या भाषणामुळे भडकल्याचा ठपका ठेवण्यात आला. त्यानंतर वकील गुणरत्न सदावर्ते यांना अटक झाली. जसे दिवस पालटतील तसे गुणरत्न सदावर्ते कायद्याच्या कचाट्याच आणखीच गुरफटत गेले. काही दिवसांपूर्वीच त्यांना जामीनही मिळाला. त्यानंतर आता गुणरत्न सदावर्ते पुन्हा सक्रिय झाले आहेत. त्यांनी आज नव्या एसटी कर्मचाऱ्यांच्या संघटनेची घोषणा केली आहे.